Hemsereka Pêroyî ya DBPyî Sebahat Tuncela ke 6ê teşrîna peyêne de bi hawayo derbkerdiş ameybî tewqîfkerdiş û nika Hepisxaneyê Sîlîvrî Tîpa Fyî û Hûmara 9 de tewqîfkerde ya, hepisxaneyî ra seba serra neweyî mesajêk erşawite.
Mesajê Sebahat Tuncele wina bî:
“Ma vera kesê ke seba îqtîdarê xo koletî, şer û pêrodayîş ma ser de ferz kenî, ma do bi înat pawitişê aştî, azadî, demokrasî û edalet de israrê xo bidomnî. Çimkî ancax nînan de israrkerdiş, serkewtişî xo reyde ano. Dagîrkerî ma ra vanî ‘şima nêeşkenî serbikewî’ û seba ke hêvîyê ma bişiknî, bi her hawayî hîle û kayan kay kenî. Ganî ma zî înan ra wina vajî ‘şima nêeşkenî ser bikewî; çimkî waştişê ma yê aştî û azadî çîyêko demdemî nîyo, manaya cuye ya. Seba qezenckerdişê cuye ma do her roje hêvîya xo gird bikerî û ma do qezenc bikerî.
Yê ke Tirkîya açarnayî hepisxaneyêko akerde, ganî ma vera înan de zîncîranê xo bişiknî û xora sewbîna weçînite û şansê ma çin o. Ez bawer kena ke bi girdkerdişê piştîdayîşî û ameyîşê têhet, şima eşkenî vernîya waştişê îqtîdarî bigirî û rayîr nêdî faşîzmî. Ez şima hemînan rê silam û heskerdişê xo erşawena. Ma teber, zere, hêga, fabrîqa û sewbîna kura de bibî, ma bibî bi girdkerdişê hêvî ma do demokrasî, aştî û azadî awan bikerî.”
DÎHABER/AMED