Hêzê Şorişgerî yê Ciwanan (GDG), Federasyonê Komeleyê Ciwananê Sosyalîstan (SGDF), Rayîrê Şorişger de Ciwanê Şorişgerî, Tevgerê Wendekarê Sosyalîstî (SOH), Ciwanê Demokratê Neweyî (YDG) û Endamê Xover bide Unîversîte bi siloganê ‘Vera Serekî de ciwanî estî’ bi hawayo hêz kampanaya ‘nê’yî meşnenî. Babete ser o Hemsereka SGDFyî Ceren Çobane qisey kerde.
Çobane va ‘Serekkomar Erdogan hewl dano rejîmê qesre newe ra awan bikero’ û wina domnaye: “Wexto ke merdim prosesî ra ewnîyeno, ma vînenî ke ma mîyanê kaosêk de yî. Ciwanê unîversîteyî zî mîyanê nê kaosî de tesîr benî. Tena ciwanê unîversîteyî zî nê heme ciwanî nê prosesî ra tesîr benî.”
Ganî ma pîya hereket bikerî
Çobane dewamê qiseykerdişê xo de wina va: “Ma bi hawayo aşkere nê sîstemî ra vanî nê. Ciwanan ruhê Gezî xo vîra nêkerdo û seba perskerdişê hesabê Berkîn Elvan û Qirkerdişê Pirsûsî ganî ma cepheyê ‘nê’yî rêxistine bikerî. Ganî ma terso ke qesre wazena awan bikera de pîya hereket bikerî. Ma sere de cinî û ciwanî dima ra veng danî her kesî, wa mîyanê nê kampanya de ca bigirî.”
ŞÛJIN/STENBOL