Vera bêhiqûqî û bêûsilîyê referandûmî reaksîyon û rexneyî her ke şinê ramenê. Pawitox Reyhan Yalçindag ke derheqê babed de qisey kerd, vist vîrî ke hinî bawerî bi hiqûqî ra nêmendo.
Yalçindag da zonayen ke “Cewabdayîşê waştişnameyê îtîrazî yê HDP û CHP seba YSK zaf mihîm o û eynî wextî de ganî mekanîzmayê mîyanê welatî zî edalet bi ca bîyarê. Yalçindag da zanayîş ke prosesê sîyasî yê di serrê peyînan de heqê merdiman zaf ameyo îhlalkerdiş û va bêhuqûqî heme warê ciwîyayîşî de qewimyenê.
Kes binê asayîşî de nîyo
Pawitox Yalçindag da zanayîş ke ser sindoqan de lînçkerdîşê wezîfedaranê sindoqe, hetê Ysk ra akerdişê rayê bê mor danê mojnayîş ke no welatî de kes binê asayîşî de nîyo.
Yalçindag dîyar kerd ke qiseykerdişê serekkomarî yê bolkane zî semedê manîpulekerdişî bi û wina dewam kerd: “Tîrkîya endamê sazgehê mîyannetewî yê sey AGÎT û Konseyê Ewropayî yê Însiyatîfê Oy û Ote raporê xo de îzahat kerdî ke hûmara sindoqê ke mudaxele ameyo kerdiş tersî yo. Mekanîzmayê mîyannetewî bibê zî ganî mekanîzmayê mîyanî ê welatî edalet bîyaro ca. Gerek netîceyêke biedalete bivejîyo.”
AMED