MELÎKE AYDIN/ŞÛJIN/DÊRSIM
Merkezê Pêroyî yê Komeleya Heqê Merdiman (ÎHD) seba têkilîyê mabênê merkez û şûbeyan de bihêz bikero, heyetêko 5 kesan ra pê yeno, amade kerd. Nê heyetî Şûbeya ÎHDyî ya Dêrsimî zîyaret kerd. Babete ser o heyet ra Sekretera Rêxistinbîyayîşî ya ÎHDyî Necla Şengule qisey kerde.
Şengule va ‘ma 38 şûbeyan zîyaret kerd’ û wina dewam kerde: “Kurdistan ke kerdişê OHALî tede yenî meşnayîş de pawitoxîya heqê merdiman xeylê zehmetin o. Ma binê zextan de yî; îdarekarê ma tepişîyenî û tewqîf benî. Şûbeyê ma kontrolî ra derbaz benî û wazenî ma bêtesîr bikerî. Ma prosesêko winasî ra derbaz benî. Buyuk Ada de 10 pawitoxê heqê merdiman bi îdîaya ajanîye ameyî sucdarkerdiş û tewqîf bîyî. Eke welatêk de dore ameya pawitoxê heqê merdiman, o wext ganî her kes baş bifikirîyo.”
Ganî ma veng bivejî
Şengule dewamê qiseykerdişê xo de wina va: “Ganî her kes vera nê prosesî de vengê xo berz bikero. Seba ke Hemsereka ÎHDyî Eren Keskîne piştî daye rojnamegeran 140 dozan ra yena mehkemekerdiş. No proses de kam raştê neheqîyan bêro, ma do bibî vengê ci. Cok ra ganî her kes hîna zaf wayîrê rêxistina heqê merdiman bivejîyo.”