Badê îlankerdişê OHALî bi Qerarnameyê Hukmê Qanûnî xeylê akademîsyenî wezîfeyê xo ra ameyî îxraçkerdiş. Vera nê îxraçkerdişan de xoverdayîşê akademîsyenan dewam keno. Nînan ra yewe zî Prof. Dr. Funda Başarane ya.
Başarane derheqê vilaweka aştî de va ‘Sifteyîn vilawek ra xebera mi çinêbî, dima ra wexto ke Serekkomarî vilaweka aştî sey belgeyê îxanetî şinase kerd, o wext xebera mi bîye’ û wina domnaye: “Mi zî qerar da ke ez îmze bikera. Mi xo bi xo vatêne; ez unîversîte ra hes kena, labelê eke embazê mi şêrî o wext tîya seba mi nêbeno unîversîte. Cok ra ganî merdim xover bido.”
Başarane qiseykerdişê xo de wina va: “Ma tim vatêne ganî alternatîfê unîversîteyan bibo. Nika hukmat ma vejeno teberê xebatanê akademî, labelê no seba awankerdişê unîversîteyêka alternatîfe firsendêko baş o. Yê ke ma îxraç kenî, goreyê kêfê xo hêzê ke destê înan de yo seba qedênayîşê akademîyan xebetnenî.”Başarane peynîya qiseykerdişê xo de wina va: “Ma do ziqaq, park û sewbîna cayan de formê neweyî yê akademîyan awan bikerî.
ŞÛJIN / ENQERA