Bayik'î ser tecrîda giran vera Rayverê Şarê Kurd Abdullah Ocalan û siyasetê îşgalkerdin ê AKP û xeylê meseleyan de mesajî day.
Cemîl Bayik serniyê qiseyanê xo de eleqe ant ser tecrîdê giran ê vera Ocalan’î û wina vat: "AKP lejê qedînayin û qirkerdinê Îmrali de dest kerd û badê hemleyê hedreyinê lejî kerd dewre. Çike Rayver Apo seba çareserînê meseleya kurdan proje verva berdê û tesîrê ey estbî. Seba inê lej sernî de vera Rayver Apo dest kerd ci."
Dişmenê kurdan î
Bayik ser siyasetê îşgalkerdinê AKP Kurdistan zî qisê kerd û wina vat: "Eşkere vunê ya şima teslîm bibê, yan ma şima kişenê. Teverê kişteni, çikê nêdonê verê kurdan. Teslîmbiyin zî, semedê kurdan mergo. Wazenê kurd û Kurdistan bikê xizmetê netewê dewletê tirk tenya. Çiko eşkereyo zî Erdogan û AKP dişmenê kurdan î û mordemi yî. Tenya kurdan nikişeno mordemî kişeno. Çi ke Sûr de rûmetê mordemî qednenî."
Cemîl Bayik vera enê siyasetê îşgal û qirkerdinê hersê şarê kurd ard vîrî û wina dewam kerd: "Şarê kurd vera enê zilm û îşgalê hê înkê bi qehremanî da xover. Tenya iyê ke bonê yin xêripyê nê, ero têpiya zî lazim o kurd vera enê Planê Şerq û Islahetê pêrpa vinderiyê. Çikê hedefê enê planî zî, ser namê kurd û Kurdistan yew çi werte de veramedo. Lazim o şar, vera dewleta faşîst û îşgalkar xoverdayîşê xo berz biko. Hunca lazim o ço mal û milkê xo dewlet ra meverado û kurdê wahar şeref û rûmet waharê xo û erdanê xo vêco."
Bayik lejê vera kurdan de kesê hetkarî dewlet kenî zî wina hişyar kerd: "Sucê mordemî ke vera kurdan Erdogan û AKP ramenî lazim o nêbê wertaxê inê. Çike siba hesabê înan bero persayin. Seba enê ma veng danê iyê ke miyanê AKP dayê wa teverê enê siyasetê lej de bimonê."
Planê Şerq Islahat
Cemil Bayik wina domna: "Zerrê homete de eroîn, tiryak vila kenê, onca bi zonayis dewan qasabayan fetelîne nêweşiyan vila kenê. Wazene homete bimiro. Onca domananê kurdan cayanê bînan berdena wazene tirk bikerê."
Hemserokê Konseyê Rayverînê KCK Cemîl Bayik cayanê elewiyan de viraştinê kampanê muhaciran ser zî wina vat: "Planê Şerq Islahat enê mintiqan de fina bîn dest kerda ci. Hedefa AKP qednayinê Kurdistanê ya. Lazimo pêrîn şarî vera enê siyasetê tekoşînê xo berz bikirê. AKP, şexsê HDP de wazena siyaseta demokratîk wertera wedariyo. Ser namê siyasetê zî tenya Erdogan bimino. Erdogan palemento zî, hukumet zi wedariya ya. Her çî xo rameno."
Ekîbê tendûrîstî
Cemîl Bayik ser siyasetê AKP vera civak zî qisê kerd û vat: "Dest eştî gencan û miyanê gencan de raya eroîn, esrar û madeyê bîn tiryakî kenê ya. Fuhuş, dizde zaf biyo. Tay zonayin esto mesela von Amed û dormê ci de, tay ekîbê tirk binê namê ekîbê tendûrîstî gêren û derzî dun gencan, derman dunê. Encam de, zû vun gencan de se ra 25 hepatît B vecaya. Enê zaf ciddiyo. Ma veng danê doxtoranê Amed û welatperweran. Wa vera enê lepîrsin bikirê ke çend raşta, vêce werte û bi rapora dinya ra vila bikirê û şar zî vera nay lazim o hîşyar bo."
Bayik pêyniyê qisêyanê xo de wina vat: "Vera enê siyasetê faşîst û îşgalkar zî çareserîn bi cephê ke vera faşîst û demokratîk beno. Seba enê pêrîn şarî vera faşîzm û zilmê tekoşîn û xoverdayîşê xo berz bikirê."