63 dezgeyan seba ke bale biancî tecrîdo ke Rayberê Şarê Kurd Abdullah Ocalanî ser û xeberêk tira bigîrî, 23ê Teşrîna verêne de bajarê Strasbourgî de vernîya CPTyî de bi îzehetêk çalakîye daybî destpêkerdiş û çalakîye roja 53. de dewam kena.
Vizêr saetanê serê sibayî de polîsî ameyî cayê çalakîye û hêrişê çalakîye kerdî. Vera hêrişan de Komîteya Tertîpî îzehetêk daye û dîyar kerde ke herçiqas ke hêrişî benî zî, ê do çalakîya xo bidomnî. Komîteye daye zanayîş ke wa heme hetê demokratîkî bêrî Strasbourg û beşdarê çalakîye bibî.
Komîteya Tertîpkerdişî îzehetê xo de wina va: “Ma 53 rojî yo ke tîya de yî û seba ke CPT şêro Girawa Îmrali çalakîye virazenî. 53 rojî yo ke ma waştişê xo newe ra vanî, labelê ma hertim provokasyonê polîsan reyde têrî manenî. Ma ewro zî eynî zîhnîyetî reyde têrî mendî. Wa ê bi hawayo baş bizanî ke ma do vera nê zîhnîyetî de tepîya game nêerzî. Heta ke CPT nêşêro Girawa Îmrali, ma do çalakîya xo bidomnî. Şar û hetanê demokratîkan ra waştişê ma o yo ke wa beşdarê çalakîya ma bibî.”
ANF/STRASBOURG