Endama Komîsyonê Ekolojîyî yê Partîya Demokratîke ya Şaran (HDP) Prof. Dr. Beyza Ustune derheqê şewatê daristanan ke Dêrsim de dewam kenî de qisey kerde. Ustune dîyar kerde ke şewatî sey parçeyêkê polîtîkaya şerî hetê dewlete ra yenî vetene û no zî seba sermaye ca akeno.
Ustune daye zanayene ke serranê 90î de dest bi veşnayîşê daristananê Kurdîstanî ame kerdene û wina dewam kerde: “Badê ke 25ê temmuze de daristanî ameyî veşnayene, eynî wext de o destpêkê şerî bi. Hewl danî bi şewatan herême bêmerdim biverdî û sermaye rê ca biakerî. Sey Cizîr û Sûrî wazenî demografîyaya herême bibedilnî.”
Ustune dewamê qiseykerdişê xo de wina va: “Polîtîkayê nîjadperestî û cîya kerdene benî sebeb ke şar pîya têkoşîn bido. Ganî yê ke rojawan de cuyenî bivînî ke nê qetlîyamî raştîya xo de vera înan de yenî kerdene. Eke şarî têhet de bibî, heme problemî çareser benî.”
ANF / BRUKSEL