Heyetê Îdarekarîya Komeleya Cenîyan ê Rosa Rûken Erguneşe bale ante serê ziwan û xeberanê çapemenîye ya kiştişê cinîyan ser o û na babete ercnayîş kerde. Rûkene vat ke, îqtîdar şîdetî sey wareyê kulturî ramojneno û bi komelî dano qebulkerdene û vat: "Wareyê kulturî de zî çapemenîye kewena dewre. Ewnîyayîşê verpay yenê weyî kerdene. Çapemenî bi amancan têgeyrena. Hetêke, neqlkerdişê însanî, vetişê heqîqetî û heto bîn zî hacetê qebûlkerdene îqtîdarî ya."
Çapemenî şîdetî rê xizmet keno
Rûkene bale ante serê padayîşê kanal û ajansan û vat: "Ma dinyaya manîpulasyon û şîroveyan de ciwîyenê. Pêro îqtîdarî na ser o zaf vindenê. Reklamêke de cenîyêka keyeyî çay û kek bena mêrdeyê xo rê. Nê dir mesaj yeno dayene. Vanê cinî mêrdan rê xizmet kena. Şîdeto esas zî xora wareyê ewnîyayîşan de yeno cuyayîş. Coka zî ziwanê ke çapemenî xebitnena, şîdetî rê xizmet kena."
Rukene arde ziwan ke merdim êdî bi çapemenîya komelî xo resnenê her cayî û vat: "Na nuqtayêka de zî metodêko têkoşînî yê vera nêheqîyan bi ca bîyaro yo. Hetêk ra zî xeylêk çîyê negatîf xo dir ano. Însanî eşkenê reyke de bi şîdetî dir bêrê rî bi rî. No zî însanan verbi bêhîsgêrî beno. Eke vernîya azadîya xeberan bêra girewtene. No zî tesîrêko negatîf serê psîkolojîyê komelî de keno. Coka gerek xeberî bê endîşe bêrê amadekerdene. Ganî dîmenê kiştişê cinîyan ra bi dîqet bê. Ganî dîmen û ziwanê pornografîk yê ke şîdet awan keno ra dûr vinderê." AMED