Bi serrana ke Mîkaîl Aslan lehçeya Kurdî ya Kirmanckî de deyran beste keno û Aslan heskerdoxê xo reyde Amed de ame têhet. Bi seyan kesî konserê seyr kerde.
Demê konserê xo de Mîkaîl Aslan qise kerd û vat ke yew rojnemaya bi nameyê ‘Xwebûn’ vejîyaya, yanî yena vate ya xobîyayiş û wina vat: “Deyra Mîrazî min demo ke ez bîya min nuşt. Ewta xobîyayiş zehmet o. Merdim her çik beno la xo nêbeno. Vanê ke eke ti sey min nêbî heqê cuya to çin o.”
Aslan aşkera kerd ke çi heyfo ke ziwan û kultirê înan ameyo bê îtîbarkerdiş û wina qedîna: “Xazina ma ame tirawitiş. Ganî ma domananê xo reyde kurdî qise bikê. Ganî senî ke ziwanê bîn ra ame elaqa nîşan danê, kurdî ra zî nîşan bidê.”
MA/AMED