Tarixê Kurdan û bi taybetî kiltûrê alewiyan de Gaxan cayê do mihîm gêno. Gaxan yeno maneya serra newî û kiltûrê xeylê şaranê Rojhelata Miyanî de esto û bi seserrano yeno viraştiş.
"Gaxanê sima bimbarek bo"
Dersim de kî Gaxan vizêr ver şaredarî de destkerd ci. Gaxan’o ke hetê Midûriyetê Sosyal û Kiltûrî yê Şaredariya Dersim viraziya, hemşaredarê Dersim Nûrhayat Altûn û Mehmet Alî Bûl’î ra piya, xeylhe Pîrê Ocaxê Dersim, temsîlkarê sazgehanê sivîl û welatijî tewr bî.Gencê ke kewtî hurendiya kal û pîran bi vatena "Gaxanê sima bimbarek bo" welatijan silamî kerdî. Peycoy bi dûayanê Pîran niyazî birniyay, çira amey fiştrayen û aktivîteyê Gaxan’î destkerdî ci.
Hemşaredara Dersim Nûrhayat Altûn vist vîrî ke, pêrokîn hometî wayrê îtiqat û kiltûrê ciya yê. Û hewl danê ke no kiltûrê xo biramnê. Altûn va, ma zey Alewiyê Qizilbaş’î kî wazeme ebi Gaxanê xo dekewê serra newî.
Zilm sernêkewto
Altûn ard zon ke, serra 2015î ebi dej û janî vîrd ra û niya va: “Ma domanê îtiqato ke, 72 mîletî rê eynî nezarî ra niyadenê û loqmeya xo bare kenê yê.
Altûn vist vîrî ke, îtiqatê alewiyan de zewt çinyo û niya qesey kerd: “Ma seweta zalimî nayî vame; Açarniye xo û mordeman nasbike.
Yardimî rişiyenê cayanê ablûqa
Hemşaredara Dersim Nûrhayat Altûn dazonayene ke zilm ti ca de sernêkewto va şima dê kî sernêkewê.
Altûn qiseyanê xo niya ramit: ‘Xizir, ocaxî, pîrî, felsefeyê zeypêyî yê Jara Ana Fatma ma ra yo. Hemşaredarê bîn Mehmet Alî Bûl’î kî ard zon ke, Gaxan aktivîteyê paştdayen o.
Badê qiseyan, niyaz amey vilakerdin. Peycoy zî gencê ke kowtî hurendîya kal û pîrî, esnaf û keyeyan geyriyay, pere û werdişî are kerdî. Yardimê ke yenê are kerdin, rişineyê qezayê ke ablûqeya dewlet ramena, Sûr, Cizîr û Sîlopî.
DÎHA/DERSIM