Li Herêma Kurdistanê pêr êvarê saet 18’an li Hewlêr, Ranya, Rewandûzê û Kelarê êrîşên bi ser Herêma Parastina Medyayê de hatin şermezar kirin.


Ranya

Li Ranya pêr êvarî saet 18:00’an  bi beşdardarbûna dehan kesî, Tevgera Azadiya Civaka Kurdistanê, Ciwanên Welatparêzên Kurdistanê, RJAK û Partiya Parêzgar li ber Mezgerfta Mezin a bajêr bi çalakiyekî êrîşên li ser Herêma Parastina Medyayê hat şermezar kirin. Di çalakiyê de bê navber dirûşmeyên “Kujer Erdogan”, “Bimre xiyanet, bijî berxwedan” û “Peyama me ji Erdogan re ev e, em ji bombebaran natirsin” hatin gotin.

Di çalakiyê de di peyamênTevgera Azadî, Partiya Parêzgar û Ciwanên Welatparêzên Kurdistanê de hat gotin ku dewleta Tirkiyeyê li hemberî hemû gelê Kurd şer îlan kiriye û wê gelê Kurd li hemberî êrîşan bêdeng nemîne.

 

Kelar

Li qazaya Kelar a girêdayî Germiyan jî saet 18:00’an bi mebesta şermezarkirina êrîşên dewleta Tirkiyeyê bi beşdarbûna dehan kesî çalakiyek hat lidarxistin.


Hewlêr

Li Hewlêrê bi sedan kesî êrîşên Tirkiyeyeyê şermezar kirin. Girse ber bi konsolosxaneya Tirkiyeyê a li Herêma Kurdistanê ve meşiya, dema ku girse nêzî konsolosxaneyê bû, asayîşê ew asteng kir û rê neda xwe bigihîne konsolosxaneyê.

Li nêzî konsolosxaneyê daxuyanî hatin dayîn û di daxuyaniyan de êrîşên li dijî qadên gerîla hat şermezarkirin.


Rewandûz

Li Rewandûzê jî ji aliyê Yekîtiya Niştîmaniya Kurdistanê, Tevgera Goran, Tevgera Azadî, Hizba Zehmetkêşanî Kurdistanê û Hizba Kûmunîsta Kurdistanê ve bi çalakiyeke hevbeş êrîşên dewleta Tirkiyeyê ên li dijî Herêmên Parastina Medyayê hat şermezarkirin.


Silêmaniyê 

Li Silêmaniyê bi beşdarbûna sedan kesî êrîşên balefirên Tirkiyeyê hatin şermezarkirin. Li bajarê Silêmaniyê pêr êvarê saet 18:00’an li ber Baxî Giştî ê bajêr bi beşdarbûna sedan kesî çalakiyek hat lidarxisin. Di çalakiya bi pêşengiya Tevgera Azadiya Civaka Kurdistanê, PYD, RJAK û Ciwanên Welatparêzên Kurdistanê de bê navber dirûşmeyên “Kujer Erdogan”, “Gerîla mêvan nîne” û “ Gerîla tol hilîne” hatin gotin.  

 Di çalakiyê de hat xwestin ku hemû aliyên siyasî yên Herêma Kurdistanê li hemberî êrîşên dewleta Tirkiyeyê xwedî helwest bin, her wiha hersê serokatiyên Herêma Kurdistanê jî li hemberî êrîşan xwedî helwesteke eşkere bin.

Her wiha Ciwanên Welatparêzên Kurdistanê diyar kirin ku dewleta Tirk, Erdogan û DAIŞ weke hev in û bang li ciwanên Başûrê Kurdistanê kirin ku li hemberî êrîşê bêdeng nebin.

Li ser navê Tevgera Azadiya Civaka Kurdistanê jî Mamosta Loqman got: “Me rola gerîla dît, eger gerîla nebûya wê Hewlêr û Kerkûk bi ketana destê DAIŞ’ê.” 


 NAVENDA NÛÇEYAN