Gelêriyên Botanê dibin stran

Koroya di bin baneya Navenda Çand û Hunerê ya Mem û Zînê ya Şaredariya Cizîrê de xebatê dimeşîne hat avakirin, ji bo gelêriyên herêma Botanê ku dîrok, çand û jiyana herêmê vedibêje û derbasî pêşerojê dike û nemir bike dê ji nûve bike newa û stran û biqîrin. Navenda Çandê ji bo van gelêriyan bikin stran û newa mehek e xebatê dimeşîne. Navenda Çandê ya Mem û Zînê heta niha bi dehan lîstikên şano, lîstikên gel, stran û xebamtên din meşandin. Niha jî Koro ava kir û armanc dike ku bi vê koroyê gerêliyên dirokî û çandî bike newa û stran. Piştî bi dehan xebatkarên Navenda Çandê hatin girtin û der barê wan de doz vebûn, li Navenda Çandê xebatkarên nû û komên nû dest bi kar û barê xebata çandê kirin. Koma Koroya Muzîkê ku mehek berê hat avakirin dest bi xebatên nû kir. Endamên Koro, armanc dike ku stran û newayên ku hatine ji bîr kirin ji nûve zindî bike û biparêze. Şaredariya Cizîrê ku her sal di meha gulanê de mihrîcanê pêk tîne, îsal dîsa armanc dike ku di koro di vê mihrîcanê de derxe ser dikê û bi stran û newayên ji nûve hatine vehûnandin û strîn biqîrin. Koro ku dê bi stranên Narînkê, Selîmo Leyla, Haylê Nûrê û hwd bi sedan sitranên berê derkevin ser dikê.

Parastina çand û dîroka Kurdan
Endamê komê Edîp Oruç, diyar kir ku zêdeyî mehekê ne koro ava kirine û wiha got: "Ev koro armanc dike ku newa stran û gelêriyên herêma Botonê ku li ber ji bîrkirin û windakirinê ne ji nûve zindî bike û biparêze. Stranên xweser yên herêma Botanê hene. Gelek newa û gelêriyên aydî herêma Botanê hene. Divê ev nirxên çandî û dîroka Kurdan bên parastin û zindîkirin."
Oruç, anî ziman ku Navenda Çand û Hunerê ya Mem û Zînê demek dirêj e xebatê dimeşîne, lê gelek caran rastî serdegirtinan hatin û gelek hevalên wan hatin binçavkirin û girtin. Oruç, anî ziman ku komek wan hat girtin û niha komek din avakirin û wiha got: "Gelek hevalên me yên niha di koro de dimînin rastî gefên polîsan ên 'Neçin koroyê hatin' Heta niha me stranên wekî Narînkê, Selîmo Leyla, Haylê Nûrê û hwh bi sedan sitranên din strîn û kirin newa. Em bang li hemû ciwanên xwe dikin û dixwazin di Navenda Çandê de cih bigirin û çanda xwe biparêzin. "
Endamê komê Sinan Demir, jî anî ziman ku armanc dikin ku bi vê koroyê stran û newayên gel ên ku hatine ji bîr kirin û li ber ji bîrkirinê ne ji nûve bi lêv bikin û biparêzin. Endamên koroyê Alî Tunç Hevidar Aygaz jî li ser heman heman daxwaz û pirsgirêk û armancê rawestiyan.

DÎHA/ŞIRNEX