KENAN KIRKAYA / MA/ ANQARA
Ajansê Xeberan yê Sputnîk ke 32 ziwanan de weşan keno û merkezê ci Moskova de yo, 29ê Hezîrane de beşê xo yê Kurdî pada. Goreyê melumatê ke çimeyanê Sputnîk Kurdî ra ameyî girewtene, padîyayîşê beşê Kurdî de rolê Tirkîya esto. Reyna goreyê tayê çimeyan zî rojnamegerêko azerîyij bîyo berpirsîyarê beşanê teberî û yeno vatene ke no kes padîyayîşê beşe Kurdî de rolê ci esto.
Babete ser o şefê buroyê Sputnîk Kurdî yê Tirkîya Vehbî Gungorî qisey kerd û wina va: “Heta nika derheqê padîyayîşê serwîsê Kurdî de çîyêk înan ra nêameyo vatene. Wexto ke ma sebebê ci pers kerd, çîyêk ma ra nêvatî. Kêmbîyayîşê eleqeyî nîşan dayî, labelê ma zanî ke sebebo raştikên no nîyo. Wexto ke ma berpirsîyaranê Rûsya de reyde kewtî têkilî, ma dî ke xebera înan zî na rewşe ra çin a. Ma zanî ke serwîs polîtîkayanê sîyasîyan ver ameyo padayene.”