Do hesabê no ciwanê kurd qet yew amîrê emnîyetî nêdo. Ma kiştî do ma hewna bikişî. Ser keye nişana www.evrensel.netî di zanîngeha Koçî de mamoste Harun Ercan ser HDP û qewimyayişî Cîzrêye de analîz kerd. Di serehewanayişê Kobanê de Umît Kurt ameybiş qetilkerdiş. Taybetê di Cîzrêye de bi sayeya xendekan polîs û cendirmeyan nêeşkîyaybî bikewî şaristanî û no ser zî polîs û lejkerê AKP, nêeşkîyaybî gonî ciwanê kurd ra bikewî. Di verê 8 rojê qetilbîyîşê Umîtî, bi hêrişê HUDA-PAR û polîsê AKPî di ciwanê kurd cuyayişê xo dabî. Peynîya qewimyayişî zî di mîyanê temsîlkarê kurd û dewletî pêvînayiş amebîkerdiş û peynî zî di Cîzrêye de xendekan ameybî qefelnayiş û newe ra şar destpê cuyayişê xo kerdbî.

AKP sûkûnet nêwaşt

Peynîya qewimyayişî zî Cîzrêye ra şikkerê terteleyê Hran Dînkî Ercan Demîr Cîzrêye ra ame tayînkerdiş. Peynîya tayînbîyîşê Demîrî 6 çeleye ciwanê kurd Umît Kurt amekiştiş. No qewimyayişî ser zî şarê Cîzrêye nêçare hewna pawiyayişê rê xendekê xo akerdî. Peynî zî di Cîzrêye de polîsê taybetî destpê gêrayişê kerd. Eke AKP sûkûnet biwaştê, mimkûn bi la belê AKP nêwaşt. Di 5 çeleye de hemşaredarê Mêrdîn û Qoserî seba kampanyaya Rayverê Şarê Kurd ser amey binçimgirewtiş û ameycipersayiş. Heme nê kerdişê AKP mezgê merdimî tena yew persî anena AKP çi wazena?Verpersê no persê zaf kilm; AKP di 7 hezîrane 2015’ê de weçînayişê Pêroyinî ra wazena bê pirsgirêkê kurd bikero û no ser zî nêwazena gamê şenber bierzo. Verpersê derg a no persî zî; Tevgera Kurd ra hîmê polîtîkî û aştî de çi gam bierzo se, AKP verba nê gaman seba sîyaset nêkerdişê Tevgera Kurd ser gamê erzena. Averşîyîşê sîyasetî di rewşa normalî de Tevgera Kurd eşkena di warê legalî de gamê şenber bierzo. Eke merdim weçînayişê Serekkomarî ser analîz bikero se, vîneno ke rayê HDPî zaf bîyo. Zafbîyîşê rayan de hîrê nuqteyê muhîm est î. Sifteyin Kurdê ke muhafazakarê û Demîrtaş nê AKPî ra ray dayê, Diyin zî kurdê sûnnî û elewî ke hetanê nika kamîya xo vîn kerdî Demîrtaş ra ray dayî. Hîrêyin zî di rojawanê Tirkîyaye de tirk û elewîyê ke feqîrî û hetanê nika her tim amey ciyakerdiş ray dayê HDPÎ. Peynîya hêrişê DAIŞÎ yê ser Kobanê, tabana AKP a kurdan şeqîya. No ser zî di zaf hûmarîy de rayê Demîrtaşî ra herikya, hewna CHPî ra zî tabanê elewîyê Demîrtaşî ra rayê xo da la heme nê koman eke HDP gamê şenber nêerzo se tepa gam bierzî. Eke HDP bi silgerîya çapemenîyê tirk nêro marjînalkerdiş do weçînayişî de rayê xo seyî ra 10 berz bikero. Ma eşkenî bivajî ke do HDP di weçînayişî de seyî ra 10’ê ray bigêro do Tirkîyayê de pergala faşîst çin bibo û Tirkîyayê de zî seba demokratîkbîyîşê gamê şenber bêroeştiş. AKP belkî seba provokasyonê gamê şenber bierzo la HDP ganî zaf baldar bibo.

NAVENDA XEBERAN