Endamê Grûba Dîyalogî, sîyasetmedar û nuştox Tarhan Erdemî derheqê referandûmo ke 16ê nîsane de do bêro viraştiş de qisey kerd û vînayîşê xo ard ziwan. Erdemî va ‘goreyê mi Tirkîya de karê weçînayîşî teberê qanûno bingeyî de yenî viraştiş’ û qiseykerdişê xo wina domna: “Goreyê mi bi no hawa Tirkîya de weçînayîşan de ma agêrayî qanûnê ke serra 1946 de estbî. Hem weçînayîşê serekkomarî û hem zî yê parlamenterî de wina bî. No her ke şono dewam keno.”
Erdemî dewamê qiseykerdişê xo de va ‘mi qiseykerdişê Serekkomar Erdoganî yê derheqê referandûmî de, goşdar î kerd’ û wina dewam kerd: “Erdogan sere ra heta peynî propagandaya xo kerd. Qiseykerdişê xo de vano ‘eke şima vajî ya, şima welatperwer û modern î’. O wext ganî yê ke vanî nê zî bêrî şinasekerdiş. Gelo vatişê nê qedexe yo? Mesele na ya.”
Erdemî dîyar kerd ke ‘eke weçînayîş de pîvanê seyyewbînanî çinêbo, o wext merdim nêeşkeno ci ra vajo weçînayîş’ û wina va: “AKP propagandaya xo de vano ‘eke şima vajî ya, do îstîkrar dewam bikero’ Eke wina bibo o wext ma seba çi referandûm virazenî. Wa vajî ‘ganî no bibo’. Xora seyyewbînanî na ya. Cepheyê ‘ya’ û ‘nê’ eynî şertan de nêşonî weçînayîş.”
DÎHABER / MÊRDÎN