Dewlata tirk na raştî zana û gorê na raştî ser Çewlîgî de vindena. Gorê nayê wezîfedarêy xo yê herî xirab û tirkperêstan şiravena Çewlîg. Zaf zî ser kaykena. Dezgehên tirk ayê ke Çewlîgî de seba ke dagirkeriya dewleta tirk qayîm bikerenê kar kenê. Zerrê nayê dezgehan de yew dezgeh zî Zanîngeha Bingol a. Na zanîngeh bîya zanîngeha keyeke. Zanîngeh zê arîyê tirkperêst kar kena. Bi rayîrê cîya cîya bin name zanyarî de, vînayîşê tirk Îslamî raver bena. Bi no tewir wazena ke şarê kird yê Çewlîg bikero tirk. Serwerîya na zanîngeh rektor Giyasettîn Baydaş o. Giyasettîn Baydaş Xarpêt (Elezîz) de wend o. Wexto ke ma zî Xarpêt wendenê ma Giyasettîn Baydaş şinasnayê. Birayê ey yê bi name Burhanettîn o, ke nika ardimkarê ey o, ma ey zî şinasnenê. Beşa ma de yew serr verênîye ma di bi. Ma her diyin ra zî qisey nêkerdê. Semedo ke eslê xo înkar kerdê ma înan ra qisey nêkerdê.
Dima ra ma ewnîya ke dewleta tirk a dagirker, Giyasettîn Baydaş kerdo rektore zanîngeha Bingolî. Burhanattîn Baydaş zî kerdo ardimkarê ey. Giyasettîn senî bi rektor o ca ra nat, hemverê şarê kurd û wendakarêy kurd dişmenatî keno. Zanîngeh kerdo qereqoleke tirk. Ser wendekarên kurd zordarî keno. Çend roj verî wexto ke wendakarêy kurd komkiştişê Roboskî mazeret kerdenê, bi fermanê Giyasettînî polîsê tirk herîşe wendekaranê kurd kerd. Dima ra zî polîsê tirk eşt ser keye wendekaran. Çend hewê înan tepişt eştîy zîndanê xo. Girweyê xirab ê Giyasettîn zêdîyay. Giyasettîn Baydaşî ça merdimê faşîst yê tirk estîy, ardîy kerdîy zanîngeha Bingolî. Zanîngeha Bingolî bîya hêlîna dişmenê şarê kurd. Zanîngeha Bingol bîya hêlîne fetullahîyan. Xirabîyê Giyasettîn têna nêy nîyê. Giyasettîn Baydaş zanîngeh kerda zanîngeha keye xo, kerda zanîngeha Baydaşan. Ha nimûne. Rektor: Prof. Dr. Giyasettîn Baydaş Hetkardox: Prof. Dr. Burhanettîn Baydaş Hetkardox: Yrd. Doç. Zeynep Baydaş Hetkardox: Mahmût Baydaş Hetkardox: Fatma Baydaş.
NAVENDA XEBERAN