Sazîya Malbatê Şehîdan ê Şengalî derheqê şehîtkewtişê Rojnameger Nûjiyan Erhan ke 3ê Adare de hetê komanê çete yê PDK hedef amê girewtiş û giran bî dirbetin û 19 rojan ra dima weşîya xo kerd vinî de, îzahatekê nuştekî da.
Sazîya Malbatê Şehîdan ê Şengalî malbat û embazanê Rojnameger Nûjiyan Erhan rê serweşî waşt.
Leyminîya PDK-AKP do tarîyîye de nêmano
Sazîye vist vîrî ke Nûjiyan rîwalo ke raştîyan vet werte û vilayê pêrokîn dinya kerd, bi sebebo ke rîyê leymin yê çeteyanê PDK aşkere kerd, amê şehîtvistiş. Îzahatî de vajîya ke wextê xelesnayîşê Koyanê Şengalî de Nûjiyan Erhan bi fikir û kameraya xo roleke gird kay kerd. Sazîye îzahatî de da zonayen ke nezdiyê 2 serrî Erhan Şengal de emegê gird da û wina dewam kerd: “Wextekê kilm de Nûjîyan veng û rengê cinîyanê Êzidî û xoverdayîşê Şengal damûsna pêrokîn dinya rê. Beno ke Nûjiyan bi fizikî ewro ma het de nêbo, la bi desan gencê Êzidî ewro pey rêçê heqîqeta Nûjiyan Erhan de, seba ke heqîqeta PDK-AKP tarîyîye de nêveradê, Çapemenîya Êzidxanî de kar kenê.”
Îzahatî de vajîya ke xeyalê Erhan dê nîme de û kameraya aye do erdî de nêmanê. Zey Malbatê Şehîdan ma dê genc û domanê xo bieşrawê, ke xeyal û waştenanê aye bîyarê ca û rîyê leymin yê PDK eşkere bikerê.
ŞENGAL