Ocalanî mesaja xoya peyin de jî a wastena xo ard ziwan.
Heyeta Îmralî ra jî Pervîn Buldan jî vat, seweta demê çareserîn şiro ravey, lazimo eno komîsyon roniyo.
Rayverê Şarê Kurd Abdullah Ocalanî qandê heqîqetî vejiyê werte, wazeno jew komîsyonê heqîqetan û rîbirî ameyini roniyo
Ocalan mesaja xoya Newrozî de, fina bîn eleqe ant muhîmînê komîsyonê heqîqetan ser.
Ocalan wazeno komîsyon roniyo û lejê 40 serranê peyin lêkolîn bikiro.
HDP jî hetanî nika xeylê finan, ena wasten kirîşt meclîsa Tirkiye.
La belê her fina HDP ena wasten ard ziwan, AKP red kerd.
Endama heyeta Îmralî Pervîn Buldan jî derheqê lazimînê enê komîsyonî de qisey kerd.
Buldan vat ki, qandê demê çareserîn şiro ravey lazimo komîsyon roniyo û wina dewam kerd: 'Bêkomîsyonê heqîqetan û rîbirî ameyin, demê çareserîn nêşino ravey. Zey birêz Ocalanî mesaja xo de jî ardo ziwan, lazimo rojê ravey, komîsyon roniyo. Ma badê Newrozî hewna bi hukumeta pêdiyin nêviraşto. Bibo ki ma no hefte pêdiyinê virazê. Mayê pêdiyinê siftayin de, ena wasten biyarê ziwan û hukumetî ra biwazê qandê ronayinê komîsyonî gaman çekiro.'
ENQERE