Gerîla li bereyekî fireh e
Hêzên gerîla li dijî artêşa Tirk a dagirker berê çalakiyan fireh dike. Di encamê de herî kêm 2 dagirker hatin cezakirin.
Navenda Ragihandin û Çapemeniyê ya HPG'ê der bar çalakiyan de agahî da.
Li gorî daxuyaniyê,
"Hêzên gerîla di çarçoveya Pêngava Şoreşgerî ya Cenga Heftenînê de 6'ê Tîrmehê li Girê Şehîd Adar li dijî artêşa TC a dagirker çalakiyeke sekvaniyê kirin. Di çalakiyê de leşkerekî dijmin hate cezakirin.
Di çarçoveya Pêngava Şehîd Bager û Şehîd Ronya de hêzên gerîlla li dijî artêşa TC a dagirker çalakî li dar xistin. Di vê çarçoveyê de;
5'ê Tîrmehê, gerîllayên YJA Starê li qada Çarçella ya herêma Zagrosê çalakiyeke sûîqestê kirin. Di çalakiyê de leşkerekî dijmin hate cezakirin.
6'ê Tîrmehê, hêzên gerîlla li dagirkerên li ser Girê Xeregol ê li navçeya Çelê ya Colemêrgê xistin.
Di çarçoveya Pêngava Tolhildanê ya Şehîd Medya Mawa û Şehîd Rizgar Gever de hêzên gerîlla 6'ê Tîrmehê li navçeya Elbakê ya Wanê li dijî qereqola Xelkavayê çalakiyek kirin.
Di van herdu çalakiyan de ku bi xurtî hatin kirin, hejmara leşkerên hatin kuştin û birîndar bûn nehate tespîtkirin."