Operasyono ke wextekê derg o çortalê qezayê Çewlîg Dara Hênê de destpêkerd rameno. Leşkerê ke vejyaybî operasyon raştê hêrîşê bi bombeyî amey. Netîceyê hêrişî de 3 leşkerî bî dirbetin. Nînan ra serbaz o binameyê Arîf Kalafat ke giran bibi dirbetin, merd.
Leşkerê ke netîceyê hêrîşa bi bombeyî de bîbî dirbetin, bi helîkopteran hewadîyay Fermandarîya Tûgaya Komando ya 49. û ewja ra zî hewadîyay Nêweşxaneyê Dewlet ya Çewlig. Serbaz Kalafat badê mudaxaleyê ewil, bi helîkopter hewadîya Nêweşxaneyê Tipî ya Zanîngehê Firatî. Kalafat nêweşxane de nêame xelesnayen û merd.
Dersim û Erzingan de çalakî
Heto bîn ra gerîlayan Dêrsim û Erzingan de derbe day quwetanê dewlet ro. Erzingan de wexto ke wesayîta leşkerî ravêrd, teqayîş ca ame. Dersim de zî gerîlayan eştî qereqolê cendirmeyan ser.
Herêma Yaylabaşi yê merkezê Erzingan de wexto ke wesayîta leşkerî ravêrd, teqayîşêko gird virazîya. Derheqê kiştiş û dirbetinan de zanayîşî nêamey girewten. Dersim de zî gerîlayan vera Fermandarîya Qereqolê Cendirmeyan ê Sutluceyê çalakîyek viraşt. La derheqê netîceyanê çalakî de hona zanayîşî nêamey girewten.
ÇEWLÎG/DERSIM