Beşdarbîyîşê gerîlayê çar parçeyê Kurdistanê xoverodayişê Şengalê ra dewam kena. Çeteyê DAIŞê tebaxa 2014’ê de hêrişê Şengalê kerdbî û peynî zî gerîlayê HPG û YJA Starê hawara şarê Şengalê ra resaybî. Operasyona xelisnayişê Şengal de ke 3’ê tebax ê û noca ra nika dewam kena. Gerîlayê çar parçeyê Kurdistanê ca gênî. Gerîlayê çeperê herî ver ê Şengalê de yê seba azadî û bîyîşê komeleya êzidî şer kenî, destnîşan kerdî ke no tertele, heme şaran ra ameyo kerdişî.
Egîd Berxwedan ê Kerkuk ra ameyo û xoverodayişê Şengal de ca girewto, wina vat: “DAIŞê hêrişê Kurdistanê Vaşûrê kerd. No demî zî mîyanê xoverodayişê Kerkuk de bîya. Min waşt mîyanê xoverodayişê Şengal de zî ca bigêra û nika seba pawiyayişê no xakê noca de ya. Seba min cidayî mîyanê cayeke Kurdistanê de çina. Mûsil, Kerkuk, Şengal tu cidayî mîyanê înan de çin a. No ser zî, ma ser bingeha pawiyayişê gelekî amey noca yê. Bi dîyîşê min wa şarê Rojhîlatê Kurdistanê zî beşdarê xoverodayişê Şengalê bibî. Seba ke her bawerî, şar û dîn seba ma fîraz a. Lewma bi taybetî veng ciwanê Rojhîlatê kena, bêrê ma bi hembarî dijmin şaristanê firaz Şengalê ra bivejnî.”
Pêroyina Kurdistanê
Gerîlaya YJA Starê Vîyan Apoyî Bawan a şaristanê Ûrmîyeyê ard ziwan ke dijî fermana bi serê Şengalê de amey, ê nika Şengalê de yê û wina vat: “Nê 7 aşmê ma navenda şaristanê Şengalê de seba komeleya xo ya êzidî ver xo danî. Senî ke gerîlayê HPG û YJA Star cayê xo no xoverodayişê de gênî. Wa heme şar zî beşdarê no xoverodayişê bibî.”
Seferberîya Şengalê
Bawan dîyar kerd ke şarê Rojhîlatê Kurdistanê nê tena Rojhîlatê wa pêroyin Kurdistanê, bi taybetê zî Şengalê de ver xo bidê û vatişê Rayverê Şarê Kurd Abdullah Ocalan a ‘DAIŞ kura de aver şîra, wa şima înan noca de têk bêrî’ û vat; ‘Ser vatişê Rayver Apo, wa şarê Rojhîlat zî cayê xo mîyanê na seferberîyê de bigêro.”
Çinkerdişê şaran
Rojhîlatê Kurdistanê ra gerîla Têkoşer Dalaho zî waştişê xo ya seba cagirewtişê xoverodayişê Şengalê de no rengî ard ziwan: “Peynî ke ferman bi ser şarê ma yê Şengalê ra warişt. Ez zî ameya Şengalê û min waşt cayê xo mîyanê no xoverodayişê de bigêra. Şarê ma yê noca de amey qetilkerdişî, esîr ame girewtişî. Peynî zî bi destveradayişê gerîla ra, mîyanê şert û mercê zehmet de xoverodayiş ame nîşandayiş. Armancê DAIŞê çinkerdişê şar û dînan bî labelê hetê ma de rewş no bi rengî yo. Her ziwan, her nîjad, her ol cida yê; lewma wa hemeyan ra hurmet vera nîşandayiş.”
Şengal xoverodayiş firaz a
Gerîlayê Selmasê Ferzat Aware zî ard ziwan ke ê ciyakarî nêronenî mîyanê ziwan û dînan û destnîşan kerd ke nêheqî û bindestekî kura de estbo, do ê noca de têbikoşî. Aware vat: “Bi qasî serreke mîyanê xoverodayişê Şengalê de ca gêna. Şengal de şerekî giran esta. Sedema xoverodayişê ma ya noca de no yo; musnayişê kamî û kurdatîya xo ya no şarî ra karê esasî bî. Destpêkê de dema amey no cayê, ma tikey zehmetîyan ra raşt amey. Nê ma na komele weş nas kerdî, nê ê ma weş nas kerdî la ma nika yewbînan şinasnenî.”