Aşme do şewa 27ê Temmuze de qasê çend deqayan bikewa binê sîya dinya. No gêrîyayîş do bibo gêrîyayîşo tewr derg yê seserre. Gêrîyayîşê aşme do xeylê cayanê dinya de bêro dîyayene. Wextê gêrîyayîşî de aşme do bibo sûre. Gêrîyayîşê aşme Ewropa de qasê 103 deqayî dewam bikero. Yê ke parzemînanê Asya û Afrîka de cuyenî, do qasê 4 saetî bişênbî gêrîyayîşê aşme temaşe bikerî. Çepê gêrîyayîşê tîje de gêrîyayîşê aşme de lazimîye bi tedbîranê taybetinan çin a. Xeylê bajaranê Ewropa de do gêrîyayîş bêro temaşe kerdene. Gêrîyayîşê aşme do saete 21.30 ra dima pê bêro û heta 23.13 dewam bikero. Dima ra heta saete 01.28î zî gêrîyayîş do bidomîyo. ROJNEWS/SILÊMANÎ