Qezaya Colemerg Gever de roja Şemî welatijê bi nameyê Aydin Tumen, Serhat Bûldan, Nejdet Îzyozu û Rahmî Sefalî ke bi guleyanê wesaita zirxî ameybî kiştiş vizêr bi merasîmeke şêligî hetê hezaran kesan amey definkerdiş. Cenazeyê Tumen, Bûldan û Îzyozu Mezeleyê Bajêrgeh yê taxa Esentepe de û cenazeya Rahmî Sefalî zî dewa Şahê ke 25 kîlometre dûrê sûk a de amey definkerdiş. Wekîlanê HDP, Hemserokê KCD, rayveberê HDP, DBP û dayikê haştî ra pîya bi hezaran kes merasîm de hadre bî.
AKP do hesab bido
3 kesê ke şehîd kewtî bi slogananê “Şehît nêmirenê” û “dewleta kiştox do hesab bido” defin bî. Wekîla HDP yê Şirnexî Selma Irmak ke merasîma cenaze de qisey kerd û vist vîrî ke 4 kesê bê gune hetê quwetanê girêdayê dewlet amey kişten. Irmak aşkere kerd ke hikûmeta AKP ya mesûlê bîyayiş û kesê tetîkkeşan ra hesab do bîro persayiş û va, pêrokîn kiştoxê ke herem de yê AKP ra cesaret gênê.
Irmak ra dima wekîla HDP Pervîn Bûldan qisey kerd û wina va: “Hesabê nê komkiştenan do bîro persayiş. Dûştê nê pêrokîn zilman şarê Gever bi serran o, serreyê xo çewt nêkerdo û xover da yo. Pîyê Serhat Bûldan, Hasan Bûldanî zî vist vîrî ke Serhat hona doman bi û wexto ke ver qehwexaneyê ronişt ame kiştiş. Bûldanî va serhat şehîdê pêrokîn Kurdistanî yo.
DÎHA/COLEMERG