Dewleta Tirkî vera Vakur û Rojhelatê Sûrîye de hêrişanê xo yê dagîrkerîye domnena. Vera hêriş û tehdîtanê dewleta Tirkî de Girê Sipî de çalakîya rayraşîyayîşî ameye viraştene. Meclîsê Kantonê Girê Sipî vizêr bi wesîleya serrgêra 5. yê hêrişê çeteyanê DAÎŞî yê vera Kobane de rayraşîyayîşêko pîl organîze kerd.
Bi hezaran kesî Taxa El-îskane de pê fotografanê şehîdan û pankartan vera dagîrkerîye de rayra şîyî. Rayraşîyayîşî de xoverdayîşê Kobane û Efrînî bi siloganan ameyî silamkerdene. Rayraşîyayîş çatrayîrê şaredarî de vurîya mîtînge. Mîtînge de Hetkarê Hemserekîya Meclîsê Kantonê Girê Sipî Sebrî Mistefayî qisey kerd. Mistefayî va ‘dewleta Tirkî wazena krîzê Sûrîye bivurna firsend û dagîrkerîya Osmanîyan newe ra saz bikera’ û wina domna: “Reyna wazena îradeya hemparî ya Vakur û Rojhelatê Sûrîye çin bikera.”
Sermîyana Partîya Ameyoxe ya Sûrîye Fatîma Şebane zî qisey kerde û xoverdayîşê Kobane û Efrînî silam kerd. Sermîyana Kongreya Starî Hûda Mistefa zî aşkere kerde ke heta peynîya terorê înan, do têkoşînê xo bidomnê. Çalakîye pê siloganan qedîyaye.
ANHA / GIRÊ SPÎ