8 hezar girtiyên endamên PKK’ê û PAJK’ê, bi boneya astengiyên li pêş hevdîtina Rêberê PKK’ê Abdullah Ocalan, girtin û binçavkirinên siyasetmedarên Kurd û rojnamegeran şermezak bikin, dest bi çalakiyê kirin. Li ser navê girtiyan Denîz Kaya, bi nivîskî daxuyanî da û diyar kir ku li dijî gelê Kurd û Rêberê PKK’ê Abdullah Ocalan êrişek bi rêk û pêk didome û ew dê li hemberî vê yekê bêdeng nemînin. Kaya, anî ziman ku li aliyekî hevdîtina bi Ocalan re tê astengkirin û li aliyê din girtin û binçavkirin zêde dibe û ew vê yekê qet qebûl nakin. Kaya xwest cemawerî ji wan nepên ku li hemberî vê rewşê bêdeng bimînin. Kaya, da zanîn ji bo van êrîşan şermezar bikin hemû girtiyên PKK’ê û PAJK’ê ji 01’ê kanûna 2011’an û şûnde dest bi çalakiya gireva birçîbûnê ya dorveger a bêdem kirine.
Kaya ji bo çareseriya pirsgirêkê jî 5 daxwazên xwe wiha rêz kir: “Divê tecrîda li ser Rêber Apo bi dawî bibe. Divê daxwaza Rêber Apo ya tevgera azad, tenduristî û ewlehiyê bi çih bê.
Divê çekên kîmyewî yên di şerê cîhanê de hatine qedexekirin bên qedexekirin û kesên bikar anîn jî bên cezakirin. Divê girtin û binçavkirina welatiyen sivîl ên bê parastin bi dawî bibe.
Divê dawî li girtina rêveber û nûnerên saziyên sivîl û civakî û dezgehên Kurdan bê.”
Denîz, ji cemaweriyê, Konseya Ewropayê, CPT, DMME, Yekîtiya Ewropayê û saziyên sivîl li hemberî vê yekê bêdeng nemîn û bi persiyar tev bigerin.
DÎHA/AMED