Gokçek biryara dadgehî nêpawito û bufeyê înan xeripnayo. Semedê ci persayê û şîyê serekê Daîra Xizmetêy Hetkarî Ayhan Kalakî het û îdia kenêy ke ey vato: “Şima mahkûmê îdamî yê. Melîh Gokçek layê şima ont.” Esnafîy zî anêy ziwan ke do hureynîya înan pêşkeşê tikeyan bikero.
Demê peynî de Şaredarîya Gird a Enqreyî Batikentî de nezdîyê GÎMSA de bufeyan xeripnabi. Esafan ard ziwan ke kontrata înan bi serrano ke esto û nanê înan nêy bufeyan ra yeno la biryara dadgehî nêpawito û xirabe kerdo.
‘25 serrêy ez tîyaya’
Esnafêy mexdûrîy ra Vedat Demîrcî, bi serran verî Amedî ra ameyo Enqereyî 25 serran ra bufe kîra kerdo û wina dewam kerd: “Kontrata min a 25 serran esto û dewam keno. Ekîbêy şaredarî molet felan nêday û bi çîyê zerey bufeyî de pîya xeripnayê.”
Goreya îdiayê Demîrcî fîrma bi nameyê ÎLBAK na gamî ra 105 bufeyan giroto.
Wina dewam kerd: “Min heta ney gamî, baca xo, kîra xo, sîgorta xo heme bi hawayê temam dayo. Beleheq û sebep amey bufeya min xirabe kerdîy. Ma wazenêy ke hesabê ney bipersêy. Kamcin sebeban ra wina kerdîy. No dawa nanî yo. Ez weş zani ke ney karî de kaykerdişeke esto. Ti huqûqeke de çîyeke wina çîno.”
‘Layê şima onto’ Mexdûran ra yew zî Mîthat Baran o. Êlih ra koçê Enqereyî kerdo û ano ziwan ke do destûr nêdero ke bufa ey bixeripno.
Dewamîya qisêy xo de ard ziwan ke şîyê serekê daîreyî ey ra vato: “Layê şima ameyo ontiş.” Dewamî de wina qise kerd: “Verî tîya girêdayê Şaredarîya Yenîmahleyî bi û dewrê Şaredarîya Girdî kerdîy. Çend serrîy nêravêray ewro zî dest bi xirabekerdişî kerdêy.
Şaredarî biryar goroto ke do xirabe bikero. Ez şîya hetê serekê Daîra Xizmetêy Hetkarî Ayhan Kavlakî û min ey ra vat, 7 gedeyê min estêy. Şemedê xirabekerdişî çiyo? Ey vat; ‘Şima mahkûmê îdamî yê layê şima Melîh Gokçekî onto’ vat. Û min ra vat gedeyê şima ra min rê çiçî. Min vat gedeyê min do senî bişêrêy dibistanî? Ard ziwan ke ‘o problemê to yo’.”
DÎHA/ENQERE