Serra 1915î de qirkerdişo ke vera armenîyan de ame kerdiş hema sey ewro vîrê merdimî de yo. Serra 1915î de bi hezaran armenîyî seba ke bawerîya înan cîya bîye, ameyî qetilkerdiş û qirkerdişî reyde rî bi rî ameyî verdayîş.
Armenîyê ke mendî zî semedo ke bieşkê xo xilas bikerê, fek warê xo ra veradayî û verê xo dayî welatanê xerîban. Ewro zî çîyê ke armenîyan ra mendî, hetê dewleta tirkî ra yenê talankerdiş û rijnayîş.
Talankerdişê kîlîseya armenîyan ra dima na rey zî goristanê înan bîyî hedefê defînegêrayoxan. Dewa Mezraşêxanî ya ke girêdayeyê qezaya Muksî ya, mezelê ke armenîyan ra mendî semedê cigêrayîşê defînegêrayoxan heme ameyî texrîbkerdiş û qederê xo reyde rî bi rî ameyî verdayîş. Selahîyetdarê dewlete zî bi bêvengîya xo talankerdişê goristanan tesdîq kenê.
Tirkîya de polîtîkayanê şaşan ver, heta nika bi hezaran gorîstanê armenîyan hetê defînegêrayoxan ra ameyî kinitiş û bi no hewa bêrêzdarîyo tewr pîl reyêka bîne zî vera armenîyan de ameyo kerdiş. Vera texrîbkerdişê nê goristanan de selahîyetdarê dewlete zî bêvengîya xo pawenê û bi no hewa vernîya ci nêgênê.
WAN