Karkerê DHL Expresî seba ke karê sendîka kerdî û endamê TUMTÎSî yî, karê xo ra ameybî vetiş. Karkerî zî seba ke reyna biagêrî karê xo, grev daybî destpêkerdiş. Çalakîya grevî ya karkeran roja xo 68. de dewam kena. Çalakgeran ra Ulaş Kurtî va ‘her ke şono bawerîya ma ya serkewtişî hîna gird bena û ma do çalakîya xo heta peynî bidomnî’. Çalakger Berk Kalyoncuyî zî dîyar kerd ke ê wazenî piştîdayîşê karkeran zêde bibo. Mehmet Poyrazo ke piştî dano çalakgeran, vano ‘Çay ma ra, xoverdayîş şima ra’.
STENBOL