Tepişteyanê girotxaneyê Şakran vera tecrîdê ser Rayverê Şarê Kurd Abdullah Ocalan’î û qedînayîşê binlingkerdişê heqan 15’ê Sibate de destpa grevê vêşanîye ya bêwext û bêagêrayîşe kerdî.
18 tepişteyê sîyasî ke Girotxaneyê Şakran yê Alîaga yê Îzmîr de yê seba ke hayr biancê tecrîdê Ocalanî ser 15’ê Sibate de destpa girevê vêşanîye kerdî.
Girotxaneyê Şakran ke çarnîyayo merkezê îşkence, her roj xeberê newî yê ser îxlalkerdişê heqanê mordeman û îşkence yenê. Tenya tepiştey nê, mordemê ci yê ke şî zîyaretê înan zî raştê îşkenceyê fîzîkî û nezdîbîyayîşê nêbaş amey.
Waştenê nûmayîşkaran:
Waştena tepişteyanê ke girevê vêşanîye de yê wina yê:
* Wa tecrîdê ser Rayverê Şarê Kurd Abdullah Ocalan’î wedarîyo.
* Wa tepişteyê nêweş bîrê dermankerdiş.
* Wextê hûmartişî de wa vindertişê lejkerî biqedîyo.
* Wa gardîyanî bi hawayekê komî nêerzê qowişan ser.
* Wa manîye (astengî) ver aktîvîteyanê civakî û wendişê kitaban bîro wedarnayîş.
* Wa şerta xebetnayîşê qerta ke danê sêneyê xo ser ra fek veradîyo.
* Wa raya têkilîya mavêna qowişan bîro akerdiş.
* Wa girotxane de zextan ra fek veradîyo.
‘Ganî desinde çîyeke bîro kerdiş’
Nûmayişkaran ra jew zî Necdet Kaya yo. Merdimê Kaya Alî Kaya da zonayen ke tepişteyan rê cezayê pêdîyayîş û qiseyan yeno birnayîş. Alî Kaya’yî waşt ke heyetek desinde şiro girotxane û va: “Ma aşnawite ke dê pêdîyayîşan qedexe bikerê.” Kaya’yî vist vîrî ke heta ke waştenê nûmayîşkaran bîrê qebûlkerdîş, iyê dê grevê vêşanîye de bê.
Kaya’yî da zonayen ke no girotxane xo ra çarnîyayo merkezê îşkence û bi nê vatenan qiseyanê xo qedêna: “Eke ma rê zî şîdet kenê, o wext şima fikir bikerê ka çi anê serê tepişteyan. Wextekê nezdî de iyê dê destûrê pêdîyayîşê bi telefonî zî nêdê. Hewce keno ke her kes no hetî de çîyekê bikero.
ANF / ÎZMÎR