Bi desan heskerdoxê ci ke paytexta Fransa Parîs de ser mezelê ci de are bî Guneyî yad kerdî.
Merasîma vîrarden roja Yewşeme, ser vengdayişê ACTÎT, ADHK-Parîs, ATÎK-Parîs, BÎR-KAR, CDK-F, SKB, HDK-Parîs, Platforma Vengê Giroteyan û ODAK mezeleyê Pere-Lachaîse de virazîya. Merasîma ke pankarta “Hunermendê şoreşî Yilmaz Guney nêmerdo” abîya bi jew deqe hurmetgirotişî destpa kerd.
Vîrardişê Guneyî seveknayişê heqan o
Damûstayîna pîyayî de ame vaten ke ciwîyayiş, kultur û tekoşîna Yilmaz Guneyî dûştê emperyalîzmî hayr ant têkoşîna tebeqeyê gurekar, emegdar û şaranê bindestî bi. Damûstayîn de hayr ancîya maneya vîrardişê Guneyî ser û wina vajîya: “Vîrardişê Yilmaz Guneyî yeno maneya werzîyayişê ver nîjadperwerîya cografyeya ma, hemver vejyayişê veşa ke Rojhelatê Mîyanî ra vilayê pêrokîn dinya bena, seveknayişê (pawitiş) heqê neteweyîya kurd, israra têdûştîya pêrokîn şaran û komanê etnîkî û îtiqatan o.”
Merasîma yadkerdişî de Meclîsa Kulturî ya Kurd seba Guneyî klama Çaw-Bella bi ziwandê kurdî û îtalyanî vat. Heskerdoxekê qijkek (werdî) yê Guneyî Işik Yilmaz zî seba hunermendê pîl deyra (klama) ‘Bijî Rojawa’ vat. Merasîm de hunermend Tarik Akan o ke verîya çend rojan weşîya xo kerd vinî zî ame vîrarden.
PARÎS