Kurdîya kurmancî de yew vate verênan esto. Vanî, “Ha Elî, ha qer Elî”. Vateyo hinayîn raştîya şerê sermîyanên tirk nîşandano.
Dewleta tirk kam bîyo sermîyan, vato ez eza, teberê mi de yew çino.Ser ra zî hêrîşe şarê kurdî kerdo. Meftê hukmatbîyayîşî zî Kurd û Kurdistanê ra derbas beno.Tirkîye de kam zêdeyîr ser şarê kurdî zulm bikero, yan zî bieşko şarê kurdî bixapîno eyê kenî sermîyan.Heta nika kam ke Tirkîye de bîyo hukmat û sermîyan hina bîyo.Kam ke Kurdistan de bibo hêz zî vano, teberê me de yew neşkeno ser kurdan hukimranî awanbikero, qey aye zî hukimranî heqê mino.
Şero ke beyntare Erdogan û neyarê eyê de beno bingeyî nê şerê hino yo.Ayê ke waşte ke hembere Erdogane derbe bikerenê pêronê înan Kurdistanê de şer kenî. Kurdistan vîran kerdo.
Kam pêronê înan wezîfedar kerdî?Erdoganê.Wexto ke înan Kurdistan de Amed-Sûr, Cizîr, Nisêbîn û hetê bîn de komkiştiş viraştenê kamî ayê bimbarek kerdênê? Pesnê îna danê? Erdogan û medyayê eyê. Vatênê, biewnê esker û generalê ma senî qehremanî, senî egîdî! Vatênê, fermandarê ma yê qehreman qire kurdan ardo. Erdogan çend hewî şi Mêrdîn, Nisêbîn û Şirnex qehremanê xo bimbarek û pîroz kerdî.
Reyna General Akin Ozturk o ke Zergelê û cayê bîn de komkiştiş kerdibî bimbarek kerd. Erdoganê vatênê, kerra ser kerra meverdenê. General Adem Hudutî înan zî pê helîkopter, teyyare, tanq û topan hêrîşê Amed-Sûr, Cizîr, Nisêbîn û Şirnex kerdenê. Wexta ke general û eskeran pê fermanê Erdoganê Kurdîstanê de her tewir zulm kerd, înan wa ayê ke şerkenê mayê. Û çaxî hukimranî zî heqê ma yo. Pê nê fikrê hemberê Erdogan û înan vejîyayê, waşt ke hembere derbekar Erdoganê, derbeyê xo bikerenê. La hina aseno ke derbekar Erdogan înan verê cû hayî girewtibî. Pê tedbîran vernîya derbe girewt.
Tîya de çi vejîyeno werti. Erdoganê verê cû Ergenekonkarî hembere Kurd û Kurdistanê dayê şerkerdiş. Wexto ke Şerê Zapî de binkewtî, pêronê înan tesfîye kerdî. Dim ara Fetullahî dayê şuxulnayîş. Peynî de eyê zî tesfîye kerdî. Tesfîyekerdişe Fetullahîyan dima ra newe ra yew plan viraşt. Nameyê planê, “Plane Çokdayîşê” bî. Bi nê planê ra pêronê Ergenekonkarî zîndan ra vetî.
Nê Ergenekonkar, DAÎŞ, MHP û çiqasî neyarê Kurd û Kurdîstan estî, eştî kiştê xo hêrîşê Kurdistanê kerd. Plane Çokdayîş ne Başur, ne Rojava de, ne zî Bakurê Kurdistanê de serkewt. Başur û Rojava de şervanên YPG-YPJ, gerîlayên HPG û YJA STAR çeteyên DAÎŞ yê dewleta tirkî binvistî. Bakurê Kurdistanê de şervanên YPS û gerîlayên HPG vera pêronê hêrîşe dewleta tirkî xoverdayîşêk hina gird kerd ke, Plane Çokdayîşê pûç kerd. Senî hina bi, Erdoganê qerar da ke esker û polîsê ke Kurdistanê de dayê şerkerdiş înan tesfîye bikero. Pêronê sûc bierzo ser înan. Xora nika ra destpêkerd û hina vano. Di pîlotî zî girewtî, vanê pîlotê Fetullahîyê û înan teyyare Rusî visno yo. Ser plane derbekar Erdoganê, derbekaranê bîn senî hayî girewt wa heta Erdogan ma tesfîye keno ma Erdoganê tesfîye bikeri.
Hina kewtî herekete. La şerê hukimranî de sernêkewtî.Raştî hina ya.Gera şarê kurdî na raştî bivîno û goreyê na raştî ne hetê derbekar Erdoganê, ne zî hetê derbekarê bînan bigero. Her di zî kiştoxî. Neyarê kurdanê. Sey baw û kalanê vato. “Kutik kutik o, ha sîya ha sûr, ferq nêkeno.” Gera şarê kurdî goreyê nê qiseyê baw û kalanê ma hereket bikero. Qêy Kurdistanêk Azad awan bibo, hembere dewleta tirk têkoşîn bikero.