Herkes dî dewlata tirk Gimgim de se kerdo. Dinya de beyntarê zafê hetan de şerî bîyê û benî.
Yew hetê zî heta nika sey dewleta tirk wehşetê hina nêkerdo û nêkeno.
Bena tayê vajênê çeteyên DAÎŞ’î hina kenî. Çeteyên DAÎŞ pêronê nê wehşetan dewleta tirk ra musayê. Xora rayedarên esasî yê çeteyên DAÎŞ’ê zî rayedarên dewleta tirk û AKP’yîyê.
Çeteyên DAÎŞ’ê T.C desterzênê cinî, keyna û qijanê kurd, pêronê nê bênamûsîyê dewleta tirk ra musayê. Dewleta Tirk, Dêrsîm de , Agirî de, Xerzan de, serranê 1990’an de Kurdîstanê se kerdo, ewro zî çeteyên DAÎŞ’ê T.C eynî çîyan Rojava û Şengal de kenî.
Serebirnayîş ra bigerênê hetanê tecawizkerdişan çi wehşetî estî, pêronê înan emelê dewleta tirkî yê.
Dewleta tirk hina yew dewleta teresa kî, tarîx de yew başîyê na dewleta çino. Şîya ça talankerdo, komkiştiş kerdo, bênamûsîyê kerdo.
Yew vajo na dewlet dewleta teresa, bes nîyo. Yew vajo na dewlet dewleta bênamûsa, bes nîyo.
Na dewlet bênamûsê bênamûsana. Teresê teresana. Neyartîya na dewlet zî neyartîya normal nîya.
Pêronê şeran de hetanê şerî hurmetî hemberê merdeyan nîşan danî. Ser cenazeyan qet yew îşkence nêkenî. Xora heme dînan de zî çîyê hina nêyenê qebûlkerdiş. Kam hina bikero gore “Peymana Şer yê Ceneve” sey sucdarê şer yeno dîyayîş û “Mehkemeya Lahey” de yeno mehkemakerdiş.
Gore na peymanê dewleta tirk zaf sucê şer kerdî. Gereka heta nika dewleta tirk se hew Mehkemeya Lahey de biamenê mehkemekerdiş. Dewleta tirk ne ameya mehkemakerdiş ne zî yew hesab dayo. Hetta hina bîyo ke kam tecawizê qijan û keynayê kurdê kerdo, rutbeyê înan zêde kena.
Nimûne nayê Musa Çîtîl o. Musa Çîtîl sucdarê tecawiz bî. Mêrdîn de 13 Kurdê kiştî. Dewleta Tirk, rutbeyê Musa Çîtîl zêde kerd û kerd general û sey fermandarê asayîşê Kurdîstanê wezîfedar kerd.
Wezîfedarê eynî dewletê Gever de dest û linganê karkerê kurd pey ra girêdanî û vanî, “Ma hêzê tirk mojnenê şima.”
Gimgim de zî hina xirabî kenî. Gerîlayê Kurd Ekîn Wan bi birîndarê pê îşkence şehîd visnenê. Rût kenî û erzenê kuçan û fotrafê ayê ancenê û vila kenî.
Wexto ke no wehşetê dewleta tirk eşkerê beno, walîyê tirk nêvano kam no wehşet kerdo. La vano kamî nê fotrafî vila kerdî, ma derheqê înan de cigerayîş kenî.
Na fotraf dima ra yew vajo dewleta tirk rewaya, beno şîrike no wehşetî.
Aye ke vanî ma bawerîya xo dînê Îslam anî û tim û tim vanî, Îsraîl hemberê Fîlîstînijan hina zulmê keno, ça de û kotî de mendî?
Şew roj hemberê Îsraîl dişmenê kenî. La Îsraîl o esasî dewleta tirk a.
Îsraîl heta nika zulmê hina nêkerdo. Zulmê esasî dewleta tirk kena.
Ha biewnê Gimgim û ha biewnê zulmê dewleta tirk.