Rêbere Şarê Kurd Abdullah Ocalan, wexto ke “gama rizgariya demokratîk” da destpêkerdiş, va, gera AKP zî merhelê diyîn û hîrêyîn de gaman bierzo.

La ma ewnenî ke,Erdoxan nata dano weta dano, hina keno ke seyî gaman nîerzo.
Wexto ke, Erdoxan,mêrdimanê maqul ra qise kerd, va, “ma seba perwerde ziwanê dayî gam nîerzenî”.Va, “ma bendê weçînayîşî seyî des ra nîanî  cêr”.Va, “ma viraştişê qerekolan dewam kenî”.Hina fekê xo kerd a û qise kerd.
No qisekerdişê Erdoxan dima ra zî, eskerê Tirk, êrîşê Şarê Kurd kerd. Şarê Licê ê Pêşê Kevir, dewa Hezanî de ver viraştişê qerekolan meş viraşt. Eskerê Tirk, êrîş kerd ser şarî û  Medenî Yildirim kişt û 10 kesê bîn zî birîndar bî. Ma ewnenî nayê muamelê dewlet û AKP, hina asena kî, dewlet, AKP û Erdoxan fek tirkperêstî û qirkerdişê ra veranîdanî.
Wazenî Kurdan pê tayî qiseyan bixapînê û qirbikerenê, bikerenê Tirk. La, Kurd nîyenî xapînayîş. Kurd, dînê Tirkperêstî ê dişmenê dînê Îslam qebûl nîkenî.
Yew mesela esta. Na mesela, Tirkperêstiya dewlata Tirk, AKP û Erdoxanî weş dana dîyarkerdeş. Name mesela ye ma, Nimajo Bêdesmajo. Mesela hina yena vatiş.



“Yew cinîke binê hetê nimajî ra sist bena. Mêrde ayê fikirîno vano ez seyî cinî pê çi usul bonderê nimajî kî. Mêrik, mele dewi ra perseno û mesela cinîke xo mele ra vano.
Mela, mêrde cinîki rê yew nesîhet keno û vano:
-  Eger cinîka to çewres roj nimaj biko, înşallah ê hinî terk nêko. Ti ayê îqna bikî.
Mêrik fikirîno û cinîke ra vano:
- Eger ti çewres roj nimajê xo bikerî ez yew manga to rî erînena.
Cinîke razî bena û nimajê xo kena. Peyniya çewres rojan bahsê nimaj û manga akena. Mirde ayê vano:
- Mi vat ti wa xorî banderê nimajî biba. Quwetê mi çinî yo ki ez to rî manga bierîno.
A game gede înan şenik dayê xo ra vano:
- Dayê! Reyna bawê mi ti xapênaya.
Dayî vana:
- Ez daya to yo. Mi ay nimajî heme bê desmaj kerdî”.
Wa AKP reyna na mesela goştarî bikero. AKP vere cu vatenê, “Wa adirbirnayîş bibo û gerîlla şîyero Başurê Kurdistanî ma gaman erzenî”. La nika na mesela de esta mêrdê cinî ra vano nimaj weş biker ez yew manga erînena(gena). La soze xo nîano ca. AKP zî, wazena hina yew kay  bikero. La, AKP nîzana, Şarê Kurd,bê plan û proje nîyo.Kurdî dewleta Tirk û AKP weş şinasnenî. Seba ke, azad bibinê ê heta peyînî xoveradayîş bikerê. Xo ra şarê Kurd zî seba kî, AKP zî guriyê xo biyaro ca, yew gam dawa destpêkerdiş.Namê naye game, “Hukumat gaman bierzi” ya. Tiya ra pê, bare tekoşînê kewt ser kiftê Şarê Kurd. Yew vatiş esto. Vanî, “Ser hêzê şarî ra ser yew hêz çîno”. Wexto kî, Şarê Kurd ze no vatiş, xoveradayîş û serwederetiş bikero, azadîyê Şarê Kurd, azadîyê Kurdîstan û Rêberê Şarê Kurd nizdî yo.
Xo ra Şarê Kurd zî na rastî weş zano û ê na raştî nîşanê herkes bido.
“Ha vaj, Ha vaj”.
Wa dewleta Tirk û Erdoxan famnîkero.
Şarê Kurd, înan ra zî dano famkerdiş.
Seba nayê,Şarê Kurd, tim û tim eyê kî bê famî, înan ra vano, “Ha  vaj, Ha vaj.”