Mesajê xoverdayişê Vakûr û Rojawa
Komîteya hadreyîn yê ke wazene zonayisê Mordenîteya Demokratîk Jineolojî çiko, silayînê xemanê panelan kerd. Cayê festîval de 3 xemanê ciya de panelî virajîne.
Hemseroka KCD Leyla Guven û Temsîlkara Kongra Star Nubihar Mustafa kî dê tewrê festîval bibê û mesajê ceniyanê Vakûr û Rojawa bi pêro ceniyan ra bare bikê. Komîteyê hadreyîn yê festîval domanan kî xo vîrra nêkerd. Serva domanan cayê kaykerdene yê taybetî ame hazirkerdene. Palyaçoyî kî dê roza festîval de rîyê domanan boyex bikerê.
Vengê xo bikerime jû
Bernameyê kulturî yê festîval kî reng bi reng û dewlemend o. Hunermend Rojda, Ayfer Duzdaş û Jala bi deyiranê xo dê bibê wertaxê vengê cenîyan. Hunermendê Cenî yê Tev-Çand, Koma Cenîyanê Êzîdî û Koroya Domanan ê Saarbrucken kî dê bivejiyê ser sehne. Koma Los3Saltos, Gaby Baca, Petra bi klamanê xo, Pakur kî bi dansa xo yê gelerî royê enternasyonal a poştdayena xo ya festîval de ca bicerê.
Komîteyê Hadreyîn yê 12. Festîvala Cenîyan yê Zîlan veng da pêrokîn cenîyan ke 18'ê Hazîrane de Dortmund de bîrê têlewe, veng û wayisê xo bi tekoşîna ceniyan meydana serbestîye de bikerê jû.
NAVENDÊ XEBERAN