Şaredarîya Yenîşehîr Belgefîlmê Nezahat Gundogan ‘Hay Way Zeman’ salonê konferansî de cenîyan rê da temaşekerdiş. Cenîyan bi eleqeyekê gird belgefîlmê istanikê (sanik) Emoş Gulver ke Tertelê Dersim de pêrokîn malbatê ci ame kişten temaşe kerd.
Sanika jû qetlîamî
Badê temaşekerdişê belgefîlmî viraştox Nezahat Gundogan qisey kerd û vist vîrî ke verîya na fîlmî kesî nêşikîya (besenîkerd) behsê qetlîamê ’38 bikero. Gundogan aşkere kerd ke rixmê tesîrê travmatîk yê biyayîşanê nîyayî gune bîro vatene. Gundogan vist vîrî ke babeda ke belgefîlmî de yena vaten leteyekê projeyê ronayişê netewekê ya.
Qehremana belgefîlmî şahîda Tertelê ’38î Emoş Gulver wextê qetlîam de kewna rayîranê zehmet. Rayîran de birayê xo kî vindî kena û tenya manena. Zon, kiltûr, îtiqat û hardê xo ra dûr jew ca de destpa weşîya newî kena. Badê 74 serran kewna pey kokanê xo û resena hardê xo Dersim. Belgefîlmî de sanika Emoş Gulver ra pîya îtiraf û vatişê tayî eskerê ke o çaxî Dersim de bî kî estê.
DÎHA/AMED