Orhan vat ke sifteyin şîara kongreye HDKî ‘Omidê ra raywanî’ biyo, no ray zî şîara kongreye do ‘ma do omidê qezenc bikerî’ bibo. Orhan wina vat: “Eke nika di Tirkîyaye de şarê ma û kedkaran seba Somaye pirda biratîye ronayo se û pirsgirêkê Amede ser Stenbol, Îzmîr û Aydine de şar vejîyeno se papolan no pratîkê HDK o. Orhan aşkera kerd ke felsefeya HDKî ser şuxulnayişê pergala meclîsî ser o û wina domna: “HDK averşîyîşê meclîsan ser gamê muhîm eşt. Sifteyin ma HDKî ra gireda meclîsan saz kerdî la belê seba ke sazbîyîşê meclîsan dema weçînayişê heremê ame no ser zaf sazbîyîşê meclîsan serkewt nêbîyo.”
Zey HDK sazî çin o
Orhan ard ziwan kerd: “Hewna hêrişê AKP ser tikey zî HDK zeîf kewt. Lazimeya hêzê HDP newe estbi û HDK no hêzê verba kerd. Tikey kismê kadroyê HDPî ra ame dayiş. Hetanê nika zey rayvistişê HDK di Tirkîyaye de çinîbi û no ser zî sareyê tay dorûveran persan estbi la peynî zi têkoşîna xo HDK nê persan têk berd.” Orhan ard ziwan kerd ke HDK projeyê cephebîyîşê demokratîk a.
ENQERE