Bîlgenî hayr ant hêrişanê hemverê partîya înan ser û vist vîrî ke 4ê Mijdarê ra na het 441 partîyijanê înan girewtîyay bin çiman, 15 Temuz ra na het zî 6 hezar kes girotîyay bin çiman û nezdiyê 2 hezar kesî zî tepêşîyay û va, ‘yê ke planê ci yê dekewtişê Reqa û Mûsil nêame ca, planê B vistî dewre û HDP hedef girotî.
Wa pêrokîn ‘Heqê destnêdayişan’ bîrê wedarnayen
Bîlgenî da zonayen ke ê mehkema kerdişî ra nêtersenê û waştena wedarnayişê pêrokîn heqê destnêdayişî reyna dibare kerd. Bîlgenî va, zey dîzaynê AKP, Davûtoglû, Kiliçdaroglû û Bahçelî nê, zey ke vernîyazê ma, xeynê sûcê serbestîye îfade wa pêrokîn heqê destnêdayişî wedarîyo.
Bîlgenî vist vîrî ke pêdiyayişê mavêna AKP û MHP pêdiyayişê ‘bide îdamî, bigîre serokînî’ yê û va ma nê pêdiyayişan qebûl nêkenê û zey pêdidayişê makeqanûna zagonî nêvînenê.
Verfekê HDP Ayhan Bîlgenî da zonayen ke Desteyê Rayverînê Navendî yê HDP seba ke plansazî û xerîtaya rayî yê HDP vejêrno do 14ê na aşme de are bibo.
ENQERA