Mîtîngê HDP ê weçînayinê 6’ê hezîran de, Wan de biqediyê.
HDP çarçiweyê xebatanê weçînayinî de, bi siloganê “Weçîna Newî” mîtîngê weçînayin jî virazena.
Mîtîngê HDP Ewrupa û Tirkiye de dest kerdo ci û 7’ê gulan de, Dersim û Erzîngan ra dest bi mîtînganê Kurdistanî kena. Hevserokê HDP Selahattîn Demîrtaş tewrê mîtîngê Dersim û Erzîgan bibo.
HDP çarçiweyê weçînayinî de, fina siftayin, sûkanê muhîm ê Tirkiye ê zey Çorum de mîtîng viraşt û Qeyserî û Artvîn de mîtîngan virazo.
Sûkanê zey Estenbol, Amed û Adana de jî mîtînganê gird virazo.Hevserok Selahattîn Demîrtaş û Fîgen Yuksekdag ciya ciya tewrê mîtîngan bibê.
HDP’a bi mîtîngan mesajanê tarîxî jî bido. Înan ra jew mîtîngê Dîloko û rastê rojê şahadetê ronayoxanê PKK ra Hakkî Karer 18’ê ardiyayo.
Eynî roj, rojê şehadetê Îbrahîm Kaypakkaya, Fevzî Aslansoy û şehîdê şewa 4’an Ferhat Kurtay, Eşref Anyik, Mahmut Zengîn û Necmî Oner o. Bi enê mîtîngiya şehîdê 17-18’ê gulan biyariyê vîrî.
Tarîxa heveyê cayê HDP mîtîngan virazo winayê:
07’ê gulan Dersim û Erzîngan
08’ê gulan Xarpêt
9’ê gulan Çewlig û Mereş
10ê gulan Erzirom û Hatay
17’ê gulan Adana
18ê gulan Dîlok
30’ê gulan Estenbol,
31’ê gulan Amed, Enqere û Samsûn
3’ê hezîran Mêrdîn
5’ê hezîran Colemerg
6’ê hezîran Wan
NAVENDA XEBERAN