Demê weçînayişan nezdî beno. Pêrokîn partiyê ke kewnê weçînayiş seferber biyê. Partiyê rejîmî zey her finî-reynî bi zûrrî, vatiş û siyasetê teng gureyînanê xo ramnenê. La HDP bi projeyê xo yê weçînayiş hayr ant ser xo. No projeyî miyan de, bi hedef, stratejî û polîtîkayanê xo HDP şaran rê kêberê ‘Ciwyana Newî’ akena. Bi no projeyî HDP do dêsê weçînayinî biwelişno û bibo sûrhewzê-mundiya şaran. Çima? Çike HDP pêrokîn rengê civakî gêna xo miyan û înan lete nêkono.
HDP; tenya jû partiya ke statuyê kole yê ceniyan rê îtiraz kena û serbestiya ceniyan kena hedef û wina-niya vana;
- “Ma dê jû sîstema ke cenî miyan de nêkişiyê, raştê tacîz-tecawiz, şîdet nîrê înşa bikerê. Ma wazenê ke nîmeyê meclîsî cenî bê. Ma jew welato ke bê herb û zerreyê ci de serdestiya camêrdan nêbo wazenê biciwyê.
HDP; gencan zey rih, omid û goniya dînamîk yê civakî vînena;
- “Ma wazenê ke polîtîkayê gencan hetê meclîsê gencan bîrê ronayin. Çi ke gencî rixmê zorvariya sîstem omidê ciwyanî kenê gird. Verra hewldayinê apolîtîzekerdişê gencan ma dê wezaretiya gencan ronê.
HDP; herzewbîn heqanê kesê ke tercîxê ciya kenê paweno; “Serva ke kesê LGBT’yî ciwyanê da bi rimet biciwyê ma dê heqanê înan bipawê.
HDP; vano şertê sifte yê însanbiyîn şabiyîna qeçik-domonan a;
- “Ma kesê ke serva pawitenê doman-qeçikan û serva ronayinê welatê ke domonî miyan de şa yê ameyê pêhet ê. Bi şîddet, veyşanî, feqîrti girdkerdinê domonan ameyina taritîya.
HDP; demokrasî zey kilîtê her çî vînena. Newede ra înşakerdinê sîstemê da demokratîk û maqeqanûna newî kena hedef;
“Ma dê verra sîstema otorîter, serdest, burokratîk û verra qanûnanê antî-demokratîk pêvacoyê reformê demokratîk destci bikerê. Ma dê goreyê pir kamî, pir kiltûrî, pir îtiqatî, pir ziwanî, pir şarî yê Tirkiye piya makeqanûna newî virazê.
HDP; Serva edaleta raştî û xoser hedef kena ke sîstema edalet newede ra rono.
- “Ma veng danê herkesî ke bi tarix ra rî bi rî bîrê. Serva ke qirkerdinî, qetlîamî, vinîkerdinî bîrê cipersyayinkerdin û heqîqetî bivejyê werte ma dê komîsyonê heqîqetî ronê.
HDP; serbestiya pêrokîn îtiqatan hedef kena;
-Serva ke pêrokîn îtiqatî û mezhebî xo ebi azad îfade bikerê ma dê heqanê ci bigîrê bin garantî.
HDP; tenya zerreyê welatî de nê, teberê welatî de zî polîtîkayê çarçoveyê prensîbê haştî kena hedef;
-Verikîn rojhelatê miyanî û pêrokîn dinya de, serva ke pêrokîn şarî ameyina xo ya polîtîk eşkere bikerê ma dê hewl bidê.
HDP; verra polîtîkayanê qirkerdinê xoza, xo zey pawitena xoza vînena;
- “Verra sîstema kapîtalîst, ma dê heqanê xoza û pêrokîn ganiyan bipawê. Ma dê verra projeyê ke xoza qir kenê û cayanê ciwyan tehdît kenê yê zey, enerjiyê HES, termîk, nukler biqedînê.
HDP; verra polîtîkayanê sermayedar ke şaran veyşan û feqîr viradenê, ekonomiya ciwyana garantiyî pawena.
- “Ma dê verra veyşanî tekoşînê da aktîf biramnê. Jew welatij zî do bê keye, veyşan-teyşan, viran û teber de nêmano.
HDP; verra kiştişê gurekar û emegdaran vana; ma dê cînayetê emegdaran vindernê û wayrê heqanê înan bivejyê.
- “Ma dê bi ‘karê bi garantî’ cînayetanê kar vindernê. Weşiya gurekarî û pawitişê gurekarî do zey heq makeqanûna newî de ca bigîro.
Û HDP vano ma garantiyê heqanê sosyalî yê û ma hetê ciwyana ke heqê emegî dana ray şinê.
“Ma HDP yê, ma şirê meclîs!”