Lijneyê Rayverîya Merkezê yê HDP, eleqe ant ser komkiştişê Pirsûs û waşt kiştoxî vejêrîyê orte. HDP da zanayîş ke wazîyeno ser komkişten bîro girewtiş û aşkere kerd ke roja komkişten ra na het, 12 dirbetinê Pirsûs ameyê tepiştiş.”
Lijneyê Rayverîya Merkezê yê HDP, bi wesîleyê serragêra komkiştena 20ê Temmuze yê Pirsûs ke serra 2015î de ca amê de îzahat da. Îzahato ke bi sernuşteyê “Ma komkiştena Pirsûs ya 20ê Temmuze xo vîr ra nêkenê” ame weşînayîş de vistîya vîrî ke 33 gencî bi hawayê wehşî bi destê DAIŞ amey qetilkerdiş. Na hemleya destpêkê şer bî.”
‘Ma dê xo vîr ra nêkerê’
Îzahatî de vistîya vîrî ke îqtîdar wazeno ser qetlîam bigîro û wina vajîya: “Bi komkiştişê Pirsûs ra AKP prosesêko newe da destpêkerdiş, îqtîdara nikayî seba ke ser komkişten bigîro, çi destê ci ra yeno, kena.”
HDP waşt ke kiştoxê pey qetlîam vejêrîyê orte û hayr ant hedefgirewtişê mexdûranê qetlîam ser. HDP vist vîrî ke roja komkişten ra na het, kesê ke komkişten de bî dirbetin ra 12ê ci ameyê tepiştiş. Tewr peynî de HDP aşkere kerd ke iyê dê 33 gencan xo vîr ra nêkerê.”
ANQARA