Ser weçînayîş qiseykerdiş û tekoşîn zêde benê. Xo ra zaf wext zî nêmendo. Çend rojî dima ra namzedî zî yenî eşkerakerdiş. Dima ra zî propangandayê weçînayîş destpêkeno. Mîtîngî destpêkenî.
Hetê bîn ra her roj yew rapersîn yane anket zî yenî eşkerekerdiş.
Vanî, rapersîn yane anketê ke şinê ver destê R .T.Erdoxanî, nê anketan de HDP bendê weçînayîş derbaskerdo. Bulend Arinç zî no derheqî de qiseykerd va, “HDP’ê se ra 11-12 rayan gena”.
R.T.Erdogan na raştî dîya, seba nayê hêrîşê HDP û Selahaddîn Demîrtaş keno. R.T.Erdogan wazeno bibo serok û dîktatorîyê xo rono, la zano ke HDP’ê bend derbasbikero, nêeşkeno no xeyalê bîyaro ca.
Hetê bîn ra zî qiseykerdişanê xo de tayê îtîrafan zî keno. Bi ewnê gêrayîşê xo yê Slovenya de se vano.
Vano, “Eger AKP ra 400 parlementî nêvejîyenê, ma ucaxî seba serokayî referandum virazenê”.
Erdoxan pê no qiseyî îtîraf keno ke, HDP’ê bendê weçînayîşî derbas kerdo. La Bulend Arinçî ra zobî, yewê AKP’yî eşkera nêkeno ke HDP bend derbaskerdo.
AKP’yî şarî ra vanî, HDP’ê bend derbas nêkena. Şîrketê girêdayî AKP zî, rayanê HDP bin bendî de nîşandanê. Hina kenê ke, ser şarê kurd de bandor û tesîr bikerêne. La şarê kurd û şarê bîn yên demokrat û yê dildarê HDP’ê raştî zanenî. Zananê ke HDP’ê rewî ra bend derbas kerdo.
No derheqî de Selahaddîn Demîrtaş zî Berlîn de qiseykerd vat ke, “Bendê weçînayîşî se ra 20 zî bo ma derbaskenî”.
Şarê ke Berlîn de kombibi nîşanda ke no weçînayîş de role Ewropa seyî bibo. Xo ra Selahaddîn Demîrtaş zî vat ke, “No weçînayîş de rayê Ewropa dîyarkerê”.
Hetêk bîn ra xebatake seba weçînayîş Ewropa de yena romitiş, hina dewambikero, zêdeyîr bîyero xurtkerdiş, ê HDP zaf suprîzê gird virazo.
Mîyanê şarê kurd yê ke Ewropa de ciwîyenî seba weçînayîş eleqeyêk zaf gird esta. Şar kar keno, rêxistinkeno.
Herkes vano. “HDP bi xum û xum yena. Lerz û ters kewto AKP û R.T.Erdoxanî”.
HDP yena. Xum xuma HDP’ya.