Hedreyîyê Çarşemeyê Sûrî

No semedî ra Çarşemeyo Sûr dijî hende teda û zextan de rayna zî hetê êzidîyan ra heta nika ameyo firazkerdiş. Ger ke eyro Çarşemeyo Sûr yeno firazkerdiş se tîya de deyndarê xoverdayîşê êzidîyan o.

Babete ser o Nurcan Şengal ke komîteya hedreyî de ca gêna, qalî kerd.

Manaya ci gird o

Nurcan Şengal ciresna ke aye sifteyîn Roşanê Çarşemeyê Sûrî yê Rayberê Şarê Kurdî Abdullah Ocalanî, şerwanê azadî, êzidîyê ke çar leteyê Kurdistan de cuyenî û yê heme dinya firaz kena û wina verdewam kerd: “Çarşemeyo Sûr yewîya şarê êzidî yo û yeno manaya pirbîyayîşê serra newe û ameyîşê cuya neweyî. Çarşemeyê aşma nîsane temambîyîşê serre yo. Aye roje mezelî yenî zîyaretkerdiş, hakî yenî kelênayîş û boyaxkerdiş. Manaya nê rengan seba xeylî gird o. No semedî ra rengê cilanê ma pêroyî de sipî yo.”

Nurcan Şengal dergeyîya qalîkerdişê xo de vat ke Çarşemeyo Sûr her tim ard û kultirê ke êzidîyan anî vîrê merdimî û wina domna: “Çarşemeyo Sûr do nika ra pey zî estbîyayîşê şarê êzidî hîna girdêr bikero. Ez veng dana heme êzidîyan ke wa seba awayo azad firazkerdişê no roşanî wa mîyanê paştîdayîşêyewbînanî bibî. Ez veng dana ke wa neteweya demokratîke ke temînatê pîyacuyayîşî ya ra wayîr bêro vejîyayîş.”