Hetê Komîsyonê Toximî Zîretî Komeleyê Ekolojî yê Amedî ra seba ke piştîdayîşî girs bikerê û seba ke kolektîf hîna hîra bikerê hêga de zerzewat û meyweyê ke dayî ro pîl bî. Nika endamê komele semedo ke zebeş ronê eşêfe kenê. Hêga de mehsulê ke vejîyê do bi hawayoke komunal bêrê xebitnayîş. Ekolojîstî, toximê ke “Bi genetîkê înan ameyo kaykerdiş” vera toximê Hîbrîtî, toximê heremî û tebîî resnenê. Derheqê hêga de aktîvîsta Ekolojî û endama Komela Ekolojî Suna Sumere va, hêga de her mewsîm bixebitînê û bi kolektîf hîna mehsulê hêga zêde bê.
‘Ma toximî vila kerdî’
Suna da zanayîş ke Komîsyonê Toximê Çînayîşî yê ke girêdayê Komeleyî, demêk bîyo ke projeyê ke winasî bikerê û va hîrê aşme verê dest bi çînayîşî kerdê û amancê înan toximê heremî zêde bikerê.
Suna vist vîrî ke na xebate înan verê hîrê serre dest pê kerde û dîyar kerd ke amancê înan piştîdayîşê toximê heremî yo.
MEDÎNE MAMEDOGLU / ŞÛJIN / AMED