Dersim de jew helîkopter o ke polîs û lejkerî mîyan de bî gina war. 7 polîs, 1 hakîm, 1 astsûbay û 3 personelê ke mîyanê ci de bî ra agahî nêamê girewten.
Vizêr qezaya Dersim Pilemorî de, seat 13.30 de jew helîkopterê Skorsky gina war. Mîyanê helîkopterî de 7 polîs, 1 hakîm, 1 astsûbay û 3 personelan ra pîya 12 kesî estbî. Qewimyayîş ra dima seba yardim û pêgeyrayîşî ekîbek yê AFADî şi cayê bîyayîş.
Walîtîye Dersim zî vizêr bi îzahatêke aşkere kerd ke, bi helîkopterê Tîpê S-70 Blackhawkî ra vizêr seat 11.30 de Mewkîyê Çambûlak yê Pilemorî de îrtîbat birnîya. Îzahatî de vajîya ke helîkopter rîwalê şertanê nêrind yê hewayî ginayo war. Heto bîn ra, goreyê zonayîşanê çimeyê herêmî hûmara kesê ke helîkopterî mîyan de bî 14 a.
DERSIM