3. Mehkemeya Îdareyî ya Anqara bi qerarê ‘faydeyê rayapêroyîye yê berzî’ heme projeyê awbend û Santralê Hîdroelektrîkî (HES) û Projeyê HESî yê Mercanî ke 2003î de dest pêkerdibi îptal kerde. Derheqê qerarî de Meclîsê Wa Munzur Bi Azadî Biherekîyo eşkerayîyêka çapemenîye organîze kerd. Beşê Wa Munzur Bi Azadî Biherekîyo, hunermend Erdogan Emîr û xeylî hemwelatijî tewrê eşkerayîya ke Zîyara Ana Fatma de ame dayene bîyî.
Bariş Yildirimo ke eşkerayî wende da zanayene ke înan seba îptalkerdişê projeyanê awbend û HESan Dadgeha Îdarî ya Berze de dewa akerda. Yildirimî va: “2010î ra nata dewa de averşîyayîşî virazîyayî û tewr peynî mehkema qerarê ‘faydeyê rayapêroyîye yê berzî’ heme projeyê awbend û HESan îptal kerd. Qerar de ameyo vatene ke ‘heta qerarê raporê Ercnayîşê Tesîrê Dormekîyî (ÇED) lazim nêyo nêro girewtene, viraştişê awbend û HESan do hetê huqûqîyî ra biîsabet nêbo.’ Bi nê qerarî heme awanî û fealîyetê ke kewenê çarçiwaya Planê Averşîyayîşî yê Bidewreyê Dergî yê Parkê Milîyî yê Dereyê Munzurî zî kewtê halêkê bêhuqûqî û no qerar tesîrê Projeyê HESî yê Mercanî ke hewna fealîyet de yo zî keno. Tarîxê Tirkîye de reya ewilêne hetê mehkemayêk ra ameyê îptalkerdene.”
DÊRSIM