Hemşaredarê Partîya Demokratîke ya Şaran (HDP) yê Êlihî weçînayîşê 31ê Adare de 181 hezar û 767 rayan ra 119 hezar û 840 rayan girewtî û pêropîya se ra 66ê rayan Şaredarîya Êlihî qezenc kerdî.
Hemşaredarê Êlihî yê newe Songul Korkmaz û Mehmet Demîrî vizêr seba teslîmgirewtişê mazbataya xo şîyî edlîye û Dezgeyê Weçînayîşî yê Qeza ra mazbataya xo girewtî. Parlamenterê HDPyî yê Êlihê Ayşe Acar Başaran û Necdet Îpekyuz, Endamê Meclîsê Dayîkê Aştîye û bi seyan hemwelatijî zî tewrê Hemşaredar Korkmaz û Demîrî şîyî edlîyê. Hemşaredar Korkmaz û Demîrî badê ke mazbataya xo giretî, koma ke arê bibî çepikan kutî û ewja ra derbazê awanîya HDPyî ya Êlihî bî.
Yeno pawitene ke girseyo qelebalix awanîya HDPyî ya Êlihî ra ver bi awanîya Şaredarîya Êlihî rayîrşîyayîş bikero.
ÊLIH