Teşebusê derbe ra rewşa îstîsnayî (OHAL) ame îlankerdiş. Îlankerdişê OHALî ra dima hukmatê AKPyî dest bi tepiştiş û tewqîfkerdişan kerd. Çarçeweya rewşa îstîsnayî de heta nika hemserekê HDPyî zî tede, hemserekê Şaredarîyan û bi hezaran îdarekarê HDP û DBPyî ameyî tepiştiş û tewqîfkerdiş.
Qezaya Nisêbînî ya Mêrdînî de saetanê şewdirî de polîsan qeza û dewan de eşt xeylê keyeyan ser. Netîceyê sereştişan de Hemserekê Şaredarîya Nisêbînî ke herinda înan de qayûmî amebî tayînkerdiş Cengîz Kok û Sara Kaya zî tede 8 kesî ameyî tepiştiş.
Mîyanê nê 8 kesan de Serekê Seyît-Derî Abdullah Ongunî, Hemserekê DBPyî qezaya Nisêbînî Sîraç Dînç, Suleyman Akin, îdarekarê DBPyî Abdullah Yilmaz, dewa Tepeustu ra Cevdet Akat û Îsmet Akat zî estî. Polîsan 8 kesê ke tepiştî, berdî Mudirîya Asayîşî ya Qeza. Ame musayîş ke qeza û dewan de sereştişî dewam kenî.
MÊRDÎN