Bi verênî ra nê kayê qilêrinî ciwanan xoratan û gedeyan ser o kay keno. Nê kayê qilêrinî bi verênî ra ciwanan û gedeyan verba tiryakeşan ra, dizdeyî ra û fûhişî ra teşwîq keno. Nê heme hîrê çîyê qirêjî rewşa komelî xeripneno.  

No warî de hînê kora beno se mayî û pîyê nêeşkenê ke gedeyanê xora wayîr bivejîyê. No warî de gedeyan adeta sereyê xo giroto ragêrenê. Amed de yew serrî ra ver nê gedeyan heme parqî, bexçeyî, kuçeyî û goristanî adeta dagir kerde bî. Hînê kora bîynê se yewerî bi gedeyanê xora û orzo eyalanê xora nêşênanê ke yew parqe mîyanî de bi arisîyo û îsterhet bikero. 


Hewayê pergalê şerê taybetî

No warî de gedeyan û ciwanan xo awa laya dişmenî de veradanê û ragêranê. Bi serano ke şerê taybetî Amedî ser o nê planê qirêjî viraştî bî û seba nê pilanê qirêjî ra zî serkewtî.  No warî de en sîleha girdî şerê taybetî hemverê gedeyanê şarê kurd ra şixulnay û gurênay. Nê gedeyî bîbî hînê hewayê pergalê şerê taybetî. La çi heyfo ke no warî de, ne wayîrê gedeyan û nezî sazîyê dezgeyê kurd adeta xo no warî de kerr û lal kerd bi.

No warî de yew wextî ra pey seba hemverê tiryakeşan û fûhişî dizdey ra ciwanan kampanya destpê kerde. Tabî nê kampanya ciwanan pîrozî û muqadesî bî. Labelê seba ke no warî de bingeyê nê kampanya çinê bî û nê warî  de kampanya ciwanan ser nêkewte. No warî min zî seba hemverê tiryakeşan ra çen ray qoncikê xo de nuşteyî nuştî û seba kampanya ciwanan ra yew bi yew ciwanan reyde qalî kerdî. 


Ez sernawera maya xora newe bîya

No warî de ez bi xo seba nê tiryakeşey ra her roj qahrîyanê û celîyanê. Hînê no warî de kora bise min zî hêvîya xo birnaybî hemverê tiryakeşey ra. Nizdî yew serre seba nêweşîya gedeyê xo ez Enqere de menda. Labelê wexto ke ez Enqere ra agêraya ameya Amed, Amed de hînê kora bîynê se rewşa tiryakeşan qedîyay bî. Ez bi xo seba qedîyayîşê tiryakeşan ra zaf kêfxweş bîya sekî ez sernawera maya xora newe bîya. 


Kewtî parqan û kuçeyan

Min xo bi xo û  xo vat ke; eke ciwanî biwazê se no warî de heme çî kenê. No ray newbe yena hemverê dizdey zî, fihûşey zî û rantî zî. Labelê seba veçînayîşê 7’ê hezîranî ra mi eşnawit ke ciwanan hemverê antişê tiryakeşî ya esrarî serbest kerda. 

Min vat; eywah no warî de ciwanan yew biryarê raştî nêdayo; hewna ciwanî nêeşkenê ke hemverê nê tiryakeşan bigîro. Çîyo ke ez tersaya seba nê tiryakeşan û no warî sakî nê tiryakeşî newera peyda bîyî û ancî ca ca kewtî parqan û kuçeyan. 


 AMED