Îran de zî badê ke 157 kesî Vîrusê Korona ra merdî û xeylê kesan de no vîrus ame tespîtkerdene, dewlete destûrê keye daye 54 hezar hepsîyan. Labelê hepsîyê sîyasîyan rê destûr nêame dayene.
Keyeyê Şakîr Baxî ke 2007î de bajarê Sineyî de ame tepiştene û ewilî cezaya daliqnayîşî ci rê ame birnayene û dima ra cezaya muebetî ci rê ame dayene, waşt ke heqo ke hepsîyanê bînan rê ameyo dayene wa bidîyo hepsîyanê sîyasîyan zî. Birayê Baxo ke nika Zîndanê Qaşmerî de yo, Dirbaz Baxî dîyar kerd ke dewlete destûr daya 54 hezar hepsîyan, labelê destûr nêdaya hepsîyanê sîyasîyan.
Dirbaz Baxî qiseykerdişê xo de va: “Hema zî seba hepsîyanê sîyasîyan çîyêk nêameyo kerdene. Seba ke vîrus vera berê sînorî yê Îran-Tirkîya ameyî padayene, ma nêeşkenî şêrî pêvîyayîş û xeberêk birayê xo ra bigêrî. Birayê mi embazêk xo nika cayê hepsîyanê edlîyan de yenî tepiştene. Hepsîyê no zîndanî pêro ameyî veradayene. Labelê wirdî û sewbîna hepsîyê sîyasî nêameyî veradayene. Ma seba wedarnayîşê no bêhuqûqî veng danî dewleta Îranî.”
WAN